.. ضحكه كدابه.. بقلم.. منصور ابو عبدالله

ضحكة كدابه 

بقلمى منصور ابو عبدالله 

*************

باقيلى حاجه تانى عندك يازمن تورهانى 

باقى لى مرارة تانى عندك مشربتهاش تزقهانى 

همومى عدت حدود الكلام وايامك متوهانى 

والفرحه فيك مش شايفها وكأنها كرهانى 

*****************

المرار طافح كيله والكتاف والله ما قادرة تشيله 

العزم قل من كتر احماله والصبر سكته ودليله 

صابر على طعن الايام والايام مش راضيه تديله 

تاه العقل منى واحتار والوضع مش ممكن تعديله 

*****************

 برسم ضحكه كدابة على وشى علشان بس اعيش 

وابنى حلم فوق حلم علشان افرح والفرح مقبلنيش

والضحكه الكدابه ساعات تجي وساعات متجيش 

عايش فى دنيا من كتر قسوتها ضيقه ماسيعنيش 

************

زرعت زرع له طرح استنيته ولما كبر لقيته هيش 

واديت للدنيا عمرى كله وهى حلفت متفرحنيش 

انا اللى عيشت عمرى كله خايب وبكرة مهمنيش 

يا ترى حياة الطيبه صح ولا كانت حياة تلاطيش 

**************

يا دموع عينى كفاياكى لسه منى مستكفتيش 

كتر البكا على النفس زاد ومش عارف أعيش 

وطعم العلقم فى الحلق مرار ما رحمنيش 

ومركب حياتى غرقت والموج ما سيبنيش 

*************

بقلمى منصور ابو عبدالله 

ضحكة كدابه