قصيدة بعنوان
اهي دنيا
الدنيا كدة دايما
تجمع اد ماهي عاوزة
تشاور للقلوب ساعة
وتجري علينا ملهوفة
وتدي للي مش عاوز
وكمان بتحرم المحتاج
وساعات بتدي بالزوفة
وساعة بتبقا مش دنيا
تحس انك وحيد فالكون
لاشايف حد ولا سامع
ولا حابب تعيش
فيها من اصلو
وساعات
غريب بين البلاد سواح
وساعات يشوفها
نداهة
بتندهله
ومرة شايفها طول الليل
سهرانة
بترقصله
ماهي دنيا ولازم نعيشها
ولازم معاها ناكل عيشنا
مهما العمر طال بينا
ومهما غيرت فينا
لحظة تسعدنا نغنيلها
وتسمعنا
وساعات كتير تعذبنا
عالخد تبات مدامعنا
ومهما اتغربت فينا
نمشي فيها خطاوينا
وفي لحظة
بقسوة تبعدنا
ماهي دنيا ملعونة
وفيها قلوبنا مدفونة
نحب نعيش
مهما كام فيها
والاحساس بحب الناس
خلاها تحس بنشوة المغرور
وترجع فرحانة منصورة
نفسي اشوفك مقهورة مكسورة
يالي واخدة كل واحد دور
لاشفناكي فالشدة واقفة
ولا تممتي فيوم فرحة
وبردو الناس حباكي
وفوق الراس شيلاكي
امتي أملنا يتحقق
ونشوفك ياقاسية
مكسورة
ونشوفك ياقاسية مكسورة
كلماتي الشاعرة الشريفة نفيسة عمارة من ديوان بنت الاشراف
ليست هناك تعليقات:
إرسال تعليق