.. اتلم يا واد.. بقلم.. ياسر عبد الحميد

إتلم ، يا ، واد

***********

إتلم يا واد و أصلب طولك

أسيادنا ، بيبنوا ، ف نهر النيل

جوا التحقيق ، غير، قولك

و احلف ع الباطل مش تمثيل

و اشهد  بالزور ، انك ، شبعان

و ان عيالك ، مافيهومش جعان

و ان الغلا ، جاي ، رحمة علينا

فرق ، بالعدل ، علي ، الشقيان

إتلم يا واد ، خليك ، راجل

ما تقولش، العيش ، بقا،  قد الكف

و انك رهوان ،فتح ، براجل

و ان العيان ، ما وقفش في صف

و ان ، الطوابير ، نوع م الترفيه

و ان ، اللي يقول الحق ، سفيه

و محدش ، فاهم ، ولا ،حاجة 

 و ان كلامنا ، دا كلام ،معاتيه

إتلم ، يا واد ، بلا ، كتر كلام

اصل احنا ، اللي قتلنا ، الكتاكيت

و الفرخة بتغلا ، سنين قدام

جت في  زعلها ، راحوا، غلوا ، البيض

 أكمننا ، مش فاهمين ولا، حاجة

فضينا  ،دراج ، التلاجة

و صيامنا ، بقا، شئ ينعشنا

و اللي حايشنا ، ايدين ، محتاجة

إتلم يا واد ، الكيل طافح ، و العيشة مرار

اخرتها، ح ناكل ،عيش، مبلول

لا  سمك وفراخ ، و لا ، لحم ، حمار

دا ، الغلا بقا ، سارح ، زي الغول

إتلم ، يا واد ، دي لسه الدنيا محتارة 

بتداري ف قميص الخوف

و لسه النفس أمارة

مافيش مانع ، تِلف ، تطوف

و لسه الناس كما هية

حزينة ف حالها مكفية

تِشَبع، جوفها ، بالمية

عشان جوعها ، صبح مألوف ،،!!!

إتلم ، يا ،،، واد ،،#

*******************

شعر / ياسر عبد الحميد

*******************