حياه من غير حياه
-------------------------- .. عوني هشام
الحياه فيها اللي فيها والزمن تاه برضه فيها
واحنا عايشين بالمعانده وبالمكايده نحتويها
الامل اصبح سراب والخراب ماشي معانا
والامانى اتغيرت والكابوس اصبح ماليها
الدموع جفت وراحت مش لاقيها
المطر اصبح رزاز من نار كاويها
السيول تاهت فى صحرا جنب وادى
والزرعه بارت من جفاف حط عليها
ولسه ماشي فى خط سيرى مع الخيال
نفسي يوم يقابلنى اصبح م المحال
وانتظرت رنه واحده او اتصال
الشبكه ضاعت والخطوط مش لاقيها
النهار معجون بحبه من الضلام
الكلام الحلو تاه وسط الركام
الصلاه ختموها حقد مفيش سلام
والدموع نبكيها او تبكي عليها
احنا فين من كل دا وحقوقنا فين
ليه يضيع الحب واحنا محرومين
ناس تعبى ف الكروش وتانيه معدمين
واللي افتكرته حكيم خلا عاليها ف واطيها
كلنا بنهد بعض زاد فوقنا الركام
حتى الهدد له سعر قول ساعته بكام
البسمه مغشوشه والضحكه بخصام
في القبر باب لدنيا تانيا جنه. او نار تكوى بيها
الحياه فيها روح وفيها كل نفيس يروح
فيها المداوي وفيها بيزيد الجروح
وفيها اللى بيعافر مادام فى عنده روح
بس نفسه خلاص ما ساعده ورجله مش لاقيها
......كفايه ولا كمان
....... عوني هشام
ليست هناك تعليقات:
إرسال تعليق