.. متعرفيش.. للشاعر.. احمد عبد الحق.

متعرفيش

محدش قالك 

امبارح انا عيشته

حلاوة روح

وانت بكل مافيك

دوا جروحي

ولنفسي انا بقولك

وجودك ليا كان عوضي

ولنفسي غذاءالروح

متعرفيش

اديني بقولها من قلبي

محسيتنيش

كتير دقوا علي بابك

كانوايادوب بيتمنوا

يكونوا نقطة في سحابك

علامة تعجب أو اعجاب

او يادوب كلمة في كتابك

واتمنوا 

يكونوا الورده في خدك

واتمنوا ..

بسمة جميلة في عيونك

حتي الشوك اللي في وردك

واتمنوا 

تحسي حروفهم باحساسك

ويتمنوا رضا ترضي

ويدوقوا شهد انفاسك

ويتمنوا حنان قلبك

وتكمل بيهم الدنيا

كل اللي حبك

يتمنوا اووي حضنك

 شايف مكسوفه بملامحك

والشامة منورة وشك

والنغزة جميلة علي خدك

الله علي جمال حسنك

اوعي ياروحي تتداري

قولي بكل القوانين 

 قولي متخبيش

هو انت متعرفيش

إن العاشق بيبان في عيونه

عيشي مع احساسك

وخليني باحساسك اعيش

احمدعبدالحق