انا مش شاعر
انا عمري ما قلت إن انا شاعر
ولا عمرى هقول
انا واحد بين كل الشعراء
إنسان معقول
الشعر زمان كان له هيبه
وفن .... على أصول
الكلمه الحلوه خلاص خُلصت
غنوة وموال
عايشين بس علي الريحه
بنمد وصال
والشاعر كان رؤيا وهيبة
و يهز جبال
انا عمري ما قلت إن انا شاعر
ولا عمري هقول
انا حاسس بس .....بالعيشه
وزمن مقهور
والفقر إللي معشش فينا
سنين وشهور
و الحزن في سكة خطاوينا
بقي شوك مبدور
انا باأكتب كلمة تسليني
وتخفف عني و تشجيني
في زمن معزور
وبأخفف عن ناسي وأهلي
وبا أعدي جسور
أعبر بالفرحة و أزرعها
في الأرض البور
السيد ابوقوره
ليست هناك تعليقات:
إرسال تعليق