بُكره تروق
.....................
مسيرها بُكره تروق
وترجع لينا غناوينا
ونحضن فرحه جوانا
وتتدارى دموع فينا
دموع سابت هموم ياما
قفلنا ببانها ب ايدينا
..........
يا ليل فجرك بعيد ليه
وليه العتمه غلّابه
وصُبحك ماشي على مهله
وبُخلُه أفيّه غلّابه
أمانه يا فجر ل تقوله
على شطه مراسينا
...........
يا بكره فينك بندهلك
فرشت بشوقي منديلك
وهافتح باب هوا ليك
يا أحلى ضيف لخُدامك
عليل مستني يوم شوفك
متبخلشي تداوينا
.............
يا مستني في بُكره تروق
سيب الحمول على جنب
واعمل لضحكك سوق
واحلف لتسقي الصبر
ازرع جمايل ياما
اوعاك تبص لحد
هتلاقي بكره تروق
وتسمعنا حكاوينا
ربيع عبد الظاهر
ليست هناك تعليقات:
إرسال تعليق