،، حد فاكر،، بقلم الشاعر المصري

( حـــد فــاكر )

حـد    فـاكر    لما   كُنّا   زمان    وكُنــّا 

نفس صافيه لا فيها رايش    ولاحتي  إنّ

والبيوت ملضومه لضم        بخيط وابره

دروس وعبره    لا فيها قال ولا فيها قلنا

الديك يصيح     الكل  يصحي من  الفجور

وقبل الفطور      نصلي فرض وقبله سنه

وف القصاري  فطير باللبن  وشاي كانون

وبالقانون       اجيال نشيلها وجيل يشيلنا  

بالبقر نحرت غيطانا    والغدا تحت النخيل

ولا فيش بخيل    ولا حد خانا ولا مره خُنّا

وتحت سنطه نحط  راسنا     علي القوالب

بين الديابه و العقارب          ربك حافظنا

ف العصاري نؤمر عيالنا      تجر البهايم  

نلم حالنا ونلف العمايم       ونرجع بيوتنا

نلاقي الحريم طالقه البخور وراشه التراب

وفارشه المساطب للشباب    وكبار جدودنا

 واللي يحكي واللي ملموم  ع  السيجه لمه 

واللي يقرا ف جزء عمي  وعشمان في جنه

والبساطه في المهور   لو شباب حاله بارخ

ولو سباط النخله نارخ  ينفع مهر  لتمر حنه

شعر المستشار / عبد الرسول كريم يس