ام الدنيا/////
و الله ام الدنيا و مفيش في جمالها زى
مصر الغاليه عليّ و على قلب كل حى
افديها بروحي و اكتر و لا حاجه عليها تكتر
انا و الله ف بعدي عنها زى السمك بلا مي
ترابها ده مش تراب ده تاج على راس ولادها
دي هى ست الدنيا و لا حد ف مره سادها
دي غلبت المغول و كسرت العدا
دا ف وقت الضلمة تلقى ربك ماليها ضى
اللي يفكرها ماتت و خلاص استسلمت
في لحظه روحها ترجع و عليهم علمت
ياما مرت صعاب ياما داقت عذاب
بس كل اللي فات بيقول الفرح جى
شريف الرومي
المشاركات
