صحى ضميرك
××××××××
صحى ضميرك وكفاياك ..............غفلة وشخير ونوم
الدنيا عايزة الرايق والفايق .......من كل ساعة و يوم
فى ناس بلا ضمير..................... صنتهم زى بصل وثوم
وفى ناس بتركب على الموجة من غير سباحة ولا عوم
وناس بتطبل على............. الطرنبيطة بلا عتاب ولا لوم
وناس بتتنطط على ناس..................... شكلهم زى ألبوم
وناس فاكرة أنها مهمه ..................وهى أصلها شؤوم
وأنت ياللى ضميرك............................... نايم بالعسل نوم
خليت الجاهل بعجرفته.............. يتعالى فوق تلة الكوم
مفكر نفسه حاجة ...................وهو لاشئ ولا له لزوم
صحى ضميرك وكفاياك...................... غفلة شخير ونوم
والجاهل المتكبر لا لية.................... سعر ولاحتى سوم
والغل والغيرة بتاكل .............قلب صاحبها من الجنون
والحقد والحسد آفة................... موجودة ببراعة الفنون
الإنتهازيين والمصلحة............ سوس بينخر بعظم الكون
الرشوة والفساد .......صحى ضميرك فيهم وسم الظنون
والغدر ويا الخسة بيزودوا............... آسى القلب الحنون
واللى تعودوا على النهب والسرقة عمر مابتشبع البطون
واللى بيمنع الخير للغير ...........زى اللى بيمنع الماعون
وشياطين الإنس اللى............. بتوسوس أكثرهم ملعون
وشياطين الجن ربنا............. يحفظنا منهم ومن الفتون
صحى ضميرك وكفاياك................... غفلة وشخير ونوم
أديب وشاعر مهندس /محمد عوض
16/2/2023
المشاركات
