.. سلم امورك لربك.. للشاعر. عزت القليوبي

بقلمى انا الشاعر 

د/عزت القليوبى 

♕♕سلم أمورك لربك♕♕

ياعبد سلم أمورك لربك وارضى بالمكتوب

واصبر لحكم القضاء بس الرضا مطلوب

ماحد مسه البلاء مثل النبى ايوب

لما صبر وامتثل كان الفرج مكتوب

ياعبد ربك كريم ياما بيمحى ذنوب 

فتش فى روحك تلاقي النفس فيها عيوب

صلح عيوبك وداوم على العباده وتوب

دا العبره مش بالكلام دا الرب رب قلوب

واللى معاه ربنا عمره مابات مغلوب

بقلمى 

د/عزت القليوبى 

12/1/2023

.. زهرتي.. للشاعر الغنائي.. محمود صلاح

زهرتي  

سيبي قلبك سيبي 

يفرح  يحلم ويسهر 

وعيشي الحب عيشي

بشوقه ولهيبه 

بفرحه ودموعه 

ودق القلب زيدي

يمكن يحس انه حي

ويرد فيه الروح 

مهما الزمان ملاكي جروح

وطول مافيكي نبض وروح

عيشي الحب عيشي 

وداوي كل الجروح

أوعى قلبك  يصدق 

إن الحب مش ليكي

وإن العمر فيكي بدد 

وإن الدمع ساكن عينيكي 

طول ما فيكي نبض وروح 

فين من الحب بس نروح

عيشي الحب عيشي 

وداوي كل الجروح

إملي القلب حب وأمل 

وبين الزهور طيري 

أوعي  القلب يجيله ملل 

اوعي يقول راحت سنيني

عيشي الحب عيشي 

وداوي القلب المجروح 

كلمات محمود صلاح

.. نسيت.. بقلم.. صالح منصور..

نسيت 

بقلم صالح منصور 

نسيت فى بعدك انام 

نسيت يعنى ايه احلام 

ضاع معنى الابتسام 

وباقى كل شئ اوهام 

حتى السلام مبقاش سلام 

فى بعدك انتـِ تاهت خطوتى 

بعدت عنى سكتى 

جفت في عينى دمعتى 

بقيت وحيد فى دنيتى 

غرقت فيكِ وفى غربتى

الليل في بعدك بارد طويل 

والنهار مبقاش بديل 

والسهر بدون عيونك مش جميل 

وانى انسى حبك مستحيل 

ونغم حياتى صبح عويل 

في بعدك انتِ

                           بقلمى 

                      صالح منصور

.. وعد ومكتوب.. للشاعر.. شاذلي محمد عبد الرحمن

🌹🌹🌹🌹🌹    وعد  ومكتوب    🌹🌹🌹🌹🌹

                             وعد  ومكتوب 

                             على كل قلوب

                   تمسح في دموعها واوجاعها

                            تخلص  ويادوب

                            بيكون  محسوب

                       الضحكة الحلوة بتندها

                        والدمعة كمان بنبدلها

                      دي الفرحة سعات بتنزلها

                       سبحان من غير احوالها

                   ماهي دنيا وبتسوق  ف دلالها 

                         بنغني الغنوة بموالها

                     أحلامنا بتوصف في جمالها

                        والواقع حادف احزانها 

                        وقلوبنا ياناس بنبهدلها

                          تعبينها معانا بنظلمها

                          نكتب أشعار ونجملها

                        معقول بنفكر في كلامها

                    دي قلوب وبتوصف احاسسها

                           كل اللي علينا نرتبها

                         وسعات واللهِ  بنخربها

                         والحاجة الحلوة بنقلبها

                         لو كانت لينا . بنعكسها

                         حتى الأحزان بنرقصها

                    نضحك . وبنبكي في تفاصيلها

                        نصرخ . والآاااه بندوبها

                       وبنشرب دايما من كاسها

                        والبسمة بنعرف نرسمها

                         واللحظة كمان بنقسمها

                            ماهو كان محسوب

                                وعد ومكتوب

                           للدمعة قلوب وبتوزنها

                      ♠️♠️♠️♠️♠️♠️♠️♠️

                                   شادوليات 

                     شاذلي محمد عبدالرحمن حسين.

.. كانت رائحتها مثل القرفه.. بقلم.. مليكا يوفانتيفيتش سولاجا

كانت رائحتها مثل القرفة

شممت رائحة القرفة

التي كانت تغادرها

ورائي ...

طاف العاطفة في الهواء.

أثار الشعر

فخور وفخور ،

هي تمايلت وركيها

على الاحواض.

كنت أرغب في الاقتراب منها بشدة

لرائحة ...

لم أستطع فعل ذلك

خطوتها السريعة.

رائحة كل شيء

في رأسي،

لم أستطع التحرك ...

كنت أراقبها لفترة طويلة

أتساءل عما إذا كنت سأفعل

تجده من أي وقت مضى.

رائحة القرفة ورائحة الصنوبر

كان اجمل فجر.

بدأت أحلم بها

تطارد في الليل ...

لم أرها مرة أخرى

فقط في الأغنية لا يزال يتنفس.

ميلكا يوفانتشيفيتش سولاجا

Milka Jovancevic Solaja

.. قوليلو يايمامه.. بقلم.. سلوي محمود

قوليلو يايمامة 

لا شكوى ولا ملامة 

ده الحب فرح وقاله 

حمد الله ع السلامة 

الغضب اللى ياما ضلّه 

والشوق اللى ياما ماله 

نسيوا وطرحوا ف خدودى 

فرحة وأحلى ابتسامة 

عيونوا شمسين وهلٌوا

وليالية م البرد كلٌوا 

وكلامه فتح ورودى 

وقاللى الفين سلامة 

قوليلو يايمامة 

حمد الله ع السلامة ❤️

سلوى محمود

.. تكبر.. قصه قصيره.. بقلم. د. تغريد طالب الاشبال.

الأديبة د. تغريد طالب الأشبال

………………

(تَكَبُّر) قصة قصيرة جدا

……………… 

أرتقى سلم المنصب صاعدا على أكتاف الموظفين ورفع سوط سلطته وأخذ يجلدهم به حتى تنافروا من تحت سطوته مبتعدين عنه فانكشف ستره الذي كانوا يحفظوه،فسقط سقطة أودت به إلى مدلهمات المحاكم والنزاهة التي قالت كلمتها الفصل فعاد إلى أول درجة في السلم مكسور الكرامة.. (كما تدين تدان)