اقبل رونق حبهم علي من
سنى الحب وجال الفؤاد ناشدا♥️🔥
قولولي كيف لي ان اغفو..
لو زارتي طيفه
و هل كالسحر ..
كلما ناشدني مزارع ليلا...
اخاف ان يطول المدا.
لسحر اللقاء.....
زرني ولو لبرهة ...
فليلي يكتحل بجمال طيفك
ربا رباعي
الخميس، 15 ديسمبر 2022
.. سيده النهرا.. بقلم.. دجله العسكري
بقلمي.... سيدة النهر!
دجلة العسكري
أخادع بكلماتي وحدتي
وريثة رماد العشق
أتجول في صوامع العبادة
أوقد شموع الرجوع
فأنثر على نفسي ذاك الرماد
مع حفنة من زهور البيلسان
أرحل هنا وهناك
لأتعلم أن أكون حزينة
لأناديك
في داخلي كأغنية
تدندن وهي لاتعرف الغناء
حتى نسيانك يبدو متوهجاً
مثل النور يكنس الظلام
اذهب ودعني للبكاء
اعانق موج النهر الجاري
سأحبك في داخلي
وفي أوقات العمر الهيماء
ياعُزلتي أنت
السلام في عرشك
ينادي الذكريات
ليعتمر صدري
من تراتيل الرسّيس
الصامتة
دجلة العسكري
،، فلكلور باللهجه الصعيديه،، بقلم،، شاذلي محمد عبد الرحمن حسين
●●●●● فلكلور باللهجة الصعيدية ●●●●●
●●●●● قصة بَخيتة أم سِليمان ●●●●●
نفس الزمن . نفس المكان
قبل أما نكتب . أي كلمة . أو ندور . ع اللي كان
نسمع صلاة النبي . ونحس مرة . بالأمان
وقعت سِنانك يازمن
ودَفعنا فيك . مليون تَمن
بعد اما عدى عمرنا . فوق الحيطان
♧ أم سليمان ♧
وشقوق بتدبح وشها
والفقر ساكن عِشها . فاتح بيبان
كان ورثها من الدنيا . طرحة وجلابية
وإيدين عَفّية . وحَلقها خيط كتان
عاشت وحيدة . لما قطر الموت . خطف منها سليمان
كان السند . مات للابد . وتركها للحرمان
دايس عليها الزمن . يضحك قوي وفرحان
دوارة بيها الساقية . وعَرق جبينها هان
معجونة جوه طَحين . ونصيبها فيه كتمان
مش طايلة فيه الهوى . ولا حتى جوز رُغفان
جايبة قرار البير . وجوفها بات عطشان
معقول ياعم الزمن . تكسر قليب عشمان
وادي الحكاية . من البداية للنهاية . هوان
●●●●●●
نحلق خارج السرب
شادوليات
شاذلي محمد عبدالرحمن حسين .
.. بيقولوا ان انا نسايه.. بقلم.. سلوي محمود
بيقولوا ان انا نساية
وانا بنسى عشان اعيش
وبيقولوا ان انا بياعة
عشان بيعت اللى مايساويش
وبيقولوا مابصليش
وانا جوايا مية درويش
وبيقولوا ان انا مجنونة
وجنانى زيه مافيش
ماانا ممكن بردوا اقول
واحكى وماخبيش
بس قلبى وضميرى
غاليين مايسمحوليش
سلوى محمود
.. الارض.. بقلم.. ملاك دميان
٠٠الأرض ٠٠
الأرض هي السند وهي سر قوتنا
الارض هي حياتي وسر عزوتنا
الارض بتندة وانا جاي على الطريق ماشي
تمام ياغالية جايلك على رأسي
جايلك على عيني
ياغالية ضميني
ياعمري وسنيني
عمرك ما تنسيني
حضنك ياغالية دافي
وحملك على أكتافي
وبدمي راح وافي
يا أرض يا أم النخيل عطشك على عيني
لو كان بأيدي كنت اسقيكي من دموع عيني
ياساقية دوري وهدي
واسقي الغيطان هدي
دي أرض أبويا وأرض جدي
ياساقية دوري ف الارض واسقي عيدانها
واجب عليا احمل الفاس من الصبح لم الشمس تبلغ ازنها
بقلم الشاعر ملاك دميان شاعر الصعيد من مصر
.. انت صح.. للشاعر.. احمد محمود
انت صح
واخترت الطريق الصعب
نبني بلدنا بأيدينا
بس صعبتها قوي علينا
اقسم بالله تعبنا
ومش شايلانا رجلينا
انت ما بتتعبش
ولا انت مش زيينا
الفقر والغلا والجوع
نخروا عظامنا
وزادوا قوي علينا
عظم الفقير انطحن
ومافيش حاجه في ايدينا
طب خد استراحة محارب
ننشف حتي عرقنا
ونمسح تراب الشقي بأيدينا
تمن سنين أشغال وشقي
والله كتير علينا
بلدنا كتير اتغيرت
وده شايفينه بعنينا
ياللي بتسابق الزمن
حن شويه علينا
وعشمنا في ربنا كبير
يعود بالخير علينا
بس احلفك بالله
ياللي قولت انتوا نور عنينا
خلي بالك مننا
وحن بقي علينا
بقلم
احمد محمود
الاشتراك في:
الرسائل (Atom)
المشاركات
