( زى النهرده )
زى النهرده.......
اتولدت من جديد.....
زى النهرده......
صابني سهم حبك الفريد.....
زى النهرده.......
ودعت الحيره ومبقتش وحيد....
حبك خلى حياتي جنه وخلى ايامي كلها عيد.......
فات على حبنا سنه....
كل يوم بيذيد عن التاني فرحه وهنا...
كنا نبعد ايام غصب عنا
لكن البعاد كان بيزيد حبنا...
زى النهرده....
زرعنا اجمل ورده في بستان الغرام....
وردة حبنا المتعطره شوق وهيام.....
زى النهرده....
الحب جمعنا....
وخلى لحياتنا لون وطعم ومعنى.......
مرت يا حبيتي السنه زي يوم....
لا خصام ولا شكوى ولا هموم....
يارب نفضل كدا على طول
وحبنا على طول الزمان يدوم....
زي النهرده.....
الدنيا فردتلي جناحها وقالتلى تعالى افرح.....
شيلالك فى حضني من السعاده اكبر مطرح.....
وقلتلي عيش حياتك....
انسي دموعك وأهاتك....
فاتت السنه زي حلم جميل...
لو قالولى فيه احبه اسعد منكم هقول ابدا ابدا دا مستحيل......
مكتوبلي يا حبيبتي ادوب فيكي....
موصوفلي يا عمري لون عنيكي.....
زي النهرده رضى عني زماني...
زي النهرده عرفت طريقي وعنواني.....
مين يا حبيتي فى الكون ...
اسعد منينا.....
ولا فيه عيون....
مليانه شوق قد اللى فى عنينا....
ابدا ابدا ابدا مفيش في الكون زينا.....
كل سنه واحنا متهنين....
كل سنه واحنا فى بعض دايبن...
شوق ومحبه وحنين....
زي النهرده.....
الحب ندانا.....
ومن نهر الحب
ملى قلوبنا وسقانا....
وخد بأدينا وعلى بحر الاشواق عدانا....
ولجزيرة العشاق ودانا....
وقال انتم الاتنين علي جبين بعض مكتوبين....
وحلف ما يفرقنا وحلفنا اليمين...
ونادى باعلى صوته علي العاشقين...
وقال ( احمد و......) امراء على العاشقين....
من النهرده.....
زي النهرده.....
اتولدت من جديد....
بنظره وحده....
زي النهرده......
الجمعه. ٢٨/٣/١٩٩٧
احمد ماهر ابو نورا
شاعر الصعيد
المشاركات
