$مابيدومش حالها $
بقلم/عماد الأبنودي
**********
بصي يا دنيا ... ! وركزي
و إفهمي معني الكلام
مانيش ضيف شرف فيكي
ولا أنا عدد في الأرقام
بكرا .... تشوفي و تعرفي
إسمي بأفيش الإحترام
واللي كسرني كدا وسابني
هأضربله تعظيم سلام
و ألملم الجراح و اطويها
و أبص تملي ديما قدام
دنيا مابيدومش .. حالها
ولا يفضل على الدوام
دروسها كتير ياما تعلم
ازاي تمسك في اللجام
و تدير دفتك بسفينتك
بين عواصف الأوهاااام
كتر القول مالوش عازه
ولا يفيد أبداً ... كلام
سعات سكوتك يحفظ هيبتك
و يعلي شأنك ف المقااام
،، بقلم ،،
عمااد الأبنودي
10 , 12 , 2023
ليست هناك تعليقات:
إرسال تعليق