انا و جرحي
كان بيقولي ياحبيبتي
انا قلبي ليكي زي اللحد
ما يشيلش فيه غير. واحدة
ومن خيبتي انا صدقتة
واتاريهم كام واحدة
وكمان واحدة
وبين الواحدة و الواحدة
كتير حكايات وكتير روايات
بصيت لخيالي جوهه اللحد
يمكن اشوفني واللمحني
ولاقي نفسي جوهه القلب
ولو لحظة تفرحني
اتاري قلبة زي السيرك
مليان مراجيح ومنصوبة
اشوف. الشقرة بتدلع
وكمان الخمري دي محبوبة
وايد بتطبطب عل البيضة
واتاريني السمرة المعطوبة
ولما حس وخد باله
ركبني قوام عل الزحليقة
وزحلقني
رجعت تاني من الأول
رجعت لأول السكة
احاسب نفسي حساب ملكين
ما لقيتش عندي ولا غلطة
طول عمري جميلة بأخلاقي
وتاج العفة دا كان شرفي
وحزنت كتير علي بختي
وعلي حبيب غدار وبيخوني
لملمت كل أحزاني
وداويت جروحي علي شاني
ووقفت تاني علي حيلي
قوية بربي وايماني
وربك والله رب كبير
ما فاتش علينا وقت كتير
رجعلي ندمان قوي ومكسور
وقال لي ياحبيبتي سامحيني
بصيت له بصة من فوق لتحت
وانا رافعة كده جبيني
وقولت له روح يا مسكين
مش نازلة اللحد من تاني
بقلم
احمد محمود
من ديوان بنا حروف
ليست هناك تعليقات:
إرسال تعليق