لله اشتكيتك
*********
لله اشتكيتك يا هاجرني من سنين
مش انت اللي هويتك ولا أنت حبيب العين
اشكيك تاني لمين
حيرنا العاشقين
ما تقولي وحياة حبك
حالنا دا يرضي مين
لحظات تقرب مني
وسنين شمسك تغيب
غريب والشوق قتلني
ولمين قلبك حبيب
قادر ع البعد إزاي
وازاي قلبك نساي
خلتني حبيب الناي
والدمع لهيب في العين
يا روح الروح معاك
عاشقاك ودايبه فيك
وعليك بكره نداك
اعيشه بقربي ليك
تعالا وفرح قلبي
ليه فايته حزين
زماني والله دار بي
ودربي خاصمه الحنين
قادر ع البعد إزاي
وازاي قلبك نساي
خلتني حبيب الناي
والدمع لهيب في العين
لله اشتكيتك يا هاجرني من سنين
الشاعر السيد حسن
١٩٩٣
من ارشيف كشكول.. لله
ليست هناك تعليقات:
إرسال تعليق