إهداء لزوجتي و اولادي أسرتي الصغيرة التي هي الدنيا بالنسبة لي
صفحه. 1.
1جميلة (كل حاجه)
كل حاجه زمان جميلة
حتي ريحة البيوت
كل كلمه من ابويا
او قلم او علقه موت
كنت بتنرفز زمان
كنت نفسي ساعتها اكبر
كنت فاكر الامان
لما اتحكم و أأمر
بس دلوقتي خلاص
نفسي الاقي نفسي اصغر
نفسي العب في التراب
نفسي اتمرجح و اكسر
نفسي انام علي حجر امي
او احس بحضن ابويا
نفسي اجري في الشوارع
نفسي ادفي بأخويا
بس ما باليد حيله
السعاده بقت قليلة
العيون ضحكتها راحت
كل حاجه بقت بخيلة
شريف الرومي
2عابر سبيل ****
انا نفسي اعيش في الدنيا زى عابر سبيل
اكون زى النسيم و عمري ما أأذي غير
أَوزّع ضحكتي على عيون البشر
و حتى لو بكيت ازرع في القلب خير
نفسي يكون كلامهم على كان جميل
كان طيب الأثر كان طيبه في قلب ويل
و الناس تذكر محاسني و تدعي بظهر غيب
و تقول ده مات شباب و عمره ما كان تقيل
يا رب اكون خفيف على الناس اللي مني
لا اكون سببت ضيقه لحد كان ظالمني
انا مسامح يا رب و بطلب السماح
منك و من عبادك و تهديني الدليل
شريف الرومي
3راح الأمان
راح الأمان م الدنيا و معدش بني أدمين
اللي إنت فاكرة ملاك و هو م الشياطين
عمري ما جيت على حد و لا مرة إستقويت
لكن يا دنيا صحيح أنا و الله جد حزين
دايما براعي الناس لو حتى مش مني
و صبرت على غدرهم و كانوا لايمني
ياما صبرت كتير طول عمري بعمل خير
هو اللي طبعه الخير لازم يبات في أنين
بدعيك يا رب الكون قويني صبرني
ليه كل ما أعمل خير الناس بتكسرني
انا برضه ح أتشبث بكل طيبة قلب
بس الجرح اللي صابني عاوز له طب سنين
شريف الرومي
4صديق
مش لازم يبقي اخ
عشان يقف في ضهرك
ممكن يكون صديق
تلاقاه بيسّد عنك
أُمك مولدتوش
مفيش بينكم مصالح
لكن في أيّ شدة
تلقاه بلسم و طارح
قالوا زمان الصديق
تلاقاه في وقت ضيق
و اللهِ في كل وقت
ده كلام حق و حقيق
الصاحب ده سند
مهما غاب الصباح
بيهوّن الألم
و يطيّب الجِراح
حتعرف لو سافرت
مين الصاحب بجد
صاحبك بيمد إيده
لو كل باب إتسد
شريف الرومي
5مش ندمان////
اللي عاوز يعرفني اهلا سهلا بيه
و اللي عاوز يخاصمني اردم حط عليه
انا و الله ما ناقص و لا يفرق ويايا
انت يا واد او غيرك قولي حتعمل ايه
لما تقل معايا و تقول اي كلام
انت خلاص و لا تسوي يلا بلاها سلام
انت خلاص مش صاحب و لا يوم كنت صديق
و لا تاني ممكن اقبل سوا يجمعنا طريق
كنت بحايل نفسي و اقولها بالراحة
احنا في غربة و كربة بكره ح تيجي الراحة
بس بدال سبقت و انت بفجر بدأت
خليك واثق اني مش ندمان بصراحه
شريف الرومي
مصر.. التاريخ
ردحذفعلي إسم مصر التاريخ يقدر يقول ما شاء
قال من زمان چاهين مصر من الأشياء
أزاي بقى مصر شئ دي مصر لحم و دم
مصر هيّ التاريخ مصر نبع العطاء
مهما ضاقت بتُفرج ما هي فاتحة أبوابها
لكل غريب يجيها ده الكل أحبابها
عمري ما قصدها حد و كان الرد صد
مصر خيرها معلم ع الدنيا من بابها
لو حد في يوم يحاول يغيّب شمسها
مصر لازم حترجع و يعلا إسمها
ده اسم مصر غالي مرفرف في العلالي
كل اللي منها قرب حيعرف فضلها
شريف الرومي
عابر سبيل ****
ردحذفانا نفسي اعيش في الدنيا زى عابر سبيل
اكون زى النسيم و عمري ما أأذي غير
أَوزّع ضحكتي على عيون البشر
و حتى لو بكيت ازرع في القلب خير
نفسي يكون كلامهم على كان جميل
كان طيب الأثر كان طيبه في قلب ويل
و الناس تذكر محاسني و تدعي بظهر غيب
و تقول ده مات شباب و عمره ما كان تقيل
يا رب اكون خفيف على الناس اللي مني
لا اكون سببت ضيقه لحد كان ظالمني
انا مسامح يا رب و بطلب السماح
منك و من عبادك و تهديني الدليل
شريف الرومي
-الشهيد
ردحذفابطالنا لسه كتير
و مصر ولّادة
المنسي مش أخرهم
دي بتدي بزياة
مصر احنا مِلك ليكي
خدم ما بين إيديكي
لو تندهي نلبي
لنداكي كالعادة
و اللهِ إنتي العين
و القلب و النني
الكحل ده ترابك
دايما مزيّني
لو تغضبي راح أموت
أنا ليا غيرك مين
أنا دمي اللي في عروقي
ليكي يا نور العين
كل الشباب واقفين
مستنيين دورهم
و اللهِ لحِماكي
فاتحين كده صدورهم
و اللهِ ما يقدر مين
يغلب شباب حالفين
يضحوا علشان ترابك
بعمرهم راضيين
شريف الرومي
2- العشق
العشق ده صياد و فريسته هو القلب
يرمي الشبك و يغيب يرجع يلاقي الحب
مين السبب في الحب القلب و لا العين
في ناس زمان قالوا هما السبب الاتنين
القلب بيلاغي و العين تشوفه حبيب
و السهم لو تطلقه تلقى اللي فاكره غريب
عيونه بتقرّب حيروح لفين يهرب
مهما المكان يبعد ح يعود و يبقى نصيب
و العين يتتمنى تفرح و تتهنى
و تحس في وجوده بمكانها في الجنة
و الإيد بترجف ليه هو و مفيش بعديه
و الصوت بيعلنها النقص كمِّلنا
شريف الرومي
3- اللي يفرح
اللي يفرح قلبك مره أمسك تبّت فيه
و اللي يبكيّ عيونك دمعه ابعد عن بلاويه
اصل العمر قصير جدا مش محتاج تتعصّب
وقت الفرح يا عمري قصير لازم تشعر بيه
اللي عيونك لما تشوفوه تلمع و تروح ليه
مش يقعدلك و يعددلك غلطك و يعيد فيه
اللي يخاف لو حتى النسمه جرحت والله رموشك
هو دا بس اللي تقربله و تحاول تراضيه
اللي تلاقي في كل كلامه فرحة إنك وياه
و إن القعدة في قربك حبه مش ممكن يسلاه
اللي يفكر لو تسمح له يبقى حبيبك يوم
هو ده اكتر واحد حبك و يشيلك في عنيه
اللي بإيده بيمسح دمعك و اللي بقلبه بيبقى متابعتك
و اللي عنيك مالفرحه بترقص لما تبص عليه
أمسك تبت فيه
شريف الرومي
(عيلتي) 4-
انتوا فرحي و انبساطي
انتوا اغلى م في حياتي
دنيتي دي تسوى ايه
لو محسيتش بدفاكوا
كل ما ف ايدي عشانكم
كل ما املك مش بتاعي
لو طلبتوا نن عيني
عمره ما يسوي غلاكوا
الحياة دي ما ليها معنى
لما ببعد اروح بعيد
لما برجع القى نفسي
لما بتنفس هواكوا
كل لحظه ببقى ميت
و انتوا مش جنبي اكيد
بس بعد ما اعود اليكم
روحي فرحتها في لقاكوا
شريف الرومي
5- ايام الطيبين
أيام الطيبين راحت من غير رجوع
راحت و معدش منها غير الأسى و الدموع
الناس اللي في حضورهم كان كل بال مرتاح
كان رزق يوم بيوم و توكالها ع الفتاح
بيوت كانت حيطانها مبنية بالمحبة
الفرحة في العيون مش ممكن تستخبى
نتلم ع الصنية و الأكل كان بسيط
بس الرضا بالنصيب كان جوا كل حيط
النور كان لمبة جاز بس النفوس نضيفة
كُنّا نتلم دايرة نسمع حواديت طريفة
لا كان في راديوهات و لا حتى تليفزيون
بس كان و الله باين الفرحة في العيون
نفسي الأيام دي ترجع و أعيشها لو ليوم
نفسي ترجع لي نفسي و أنسى كل الهموم
شريف الرومي
7- غريبة
الدنيا دي غريبة
محدش عاجبه حاله
ناس تعشق الغِنا
و عاوزه الكون بحاله
ناس راضيه باي حاجة
و لو حقيقي محتاجة
ناس عايشه ع الكفاف
ناس و لا في دماغها حاجة
الدنيا دي غريبة
ناس لو تحلم تلاقي
ناس عايشه ع البواقي
في ناس زرعتها طارحة
و ناس زي الشراقي
الدنيا دي غريبة
ناس تلعب بالفلوس
ناس مش لاقيه الغموس
ناس ماشيه ع الصراط
و ناس ضعاف النفوس
الدنيا دي غريبة
ناس تتمنى الضنا
و ناس عايشه في هنا
ناس راضية ببختها
و حامده ربنا
شريف الرومي
8- فوضت امري ليك
فوّضّت أمري ليك مأنت اللي بتدبّر
و بتنصر المظلوم و بتبلي و تصبّر
و تقسِّم الأرزاق لِحكمة تعلمها
بس الإنسان يا رب عجول و متكبّر
فوضتك إنت يا رب أصلي مليش غِيرك
و لقيت في قُربك حلّ من حُسن تدبيرك
رسمت لي السكة رجعتلي الضحكة
بضحكها من فضلك ما هو كُله من خيرك
عارفك مع المظلوم لو يفتري الظالم
و بتجبر المهموم و بتُستر الغارِم
مأنت الكبير يا رب و معانا في كل درب
و لو نسيت كرمك برجع و انا نادِم
إخترتني أشهد إنك إله واحد
و بعدتني بفضلك عن إني أكون جاحِد
لو عشت أدعيلك ما يكفّي أفضالك
يا رب شُكرا ليك على فضلك الزايد
شريف الرومي
9- بمناسبة اليوم العالمي للمرأة.
كل المجتمع
مش نص المجتمع دي كل المجتمع
هي أمي و حبيبتي و بنتي و صاحبتي
هي الحضن الحنين في زحمة الحياة
هي الإيد اللي تمسح من عينا كل آه
دي وصانا النبي عليها و قال لنا
اكرمها تكون كريم و تلقى محبتي
و هينها تكون لئيم ما تمشي في سكتي
هي القلب الكبير دي طريق لجنتي
اوعى تحسبها لعبة عشان تتسلى بيها
إياك تكسر خاطرها خليك امين عليها
ح تعيش مرتاح سعيد و الدنيا تبقي عيد
القرب منها جنة ح ألقاها في اخرتي
شريف الرومي
الرومي
موت و حياة
ردحذفبين موت و حياة الدنيا وخدانا
لا في يوم تقف على حد و لا حتى فكرانا
بس احنا نتمنى نعيش و نتهنى
و إن جاه علينا الدور ما حد ينسانا
اتمنى أعمل خير و أكسب لحب الناس
اتمنى يدعو لي ما يقولوا مات و خلاص
أنا نفسي لما تحين ساعتي أكون ساجد
و تهون ألام الموت و الشر يتباعِد
شريف الرومي
هلال العيد////
ردحذفالليلة هل هلال العيد
و الدنيا لابسه جديد في جديد
و الكل فرحان متهني
يا رب كتر فرحي و زيد
بعد الصيام تيجي الأفراح
و الكل متهني و مرتاح
و الناس بتحضن و تعيّد
و الكحك بالسكر في الإيد
و الضحكة ماليه وشوش الناس
مِالحزن خدنا أجازه خلاص
يا رب كتر أعيادنا
دا الفرح ببجمعنا أكيد
الزينة في الشارع بتقول
يا رب خللي العيد على طول
دإحنا قليلهُ بيبسطنا
و إنت يا رب الخير بتزيد
شريف الرومي
ردحذفاللي إختشوا
صحيح اللي إختشوا دول ماتوا من زمان
و أنت بتكدب و تكدب كأن شئ ما كان
أنا ندمان إني يوم صدقت إحساسك
بس الحب اللي عندي خسارة في الجبان
صحيح اللي إختشوا دول ماتوا من زمان
و أنت بتيجي ببجاحة و سايق الجنان
و تقوللي إزيّ حالك دانا قلبي في قلبه شالك
و قلبي في بعده عنك محسش بالأمان
خلاص معدش ينفع و كدبك مش حيشفع
كل اللي كان ما بينا معدلهوش مكان
بقلمي.... شريف الرومي
ثرثرة بلا هدف////
ردحذفحسسوني بقربي منكم نفسي اموت و انا بين ايدكم
نفسي اتدفي بنفسكم نفسي القي الحب فيكم
انتوا ليا كل حاجه انتوا افراحي و جراحي
و الله اه و الف و اه كل عمري ملك ليكم
العيون كانت بتفرح لما تتطلع تشوفكم
و النفس كان يبقي عطر لما بتنفس طيبتكم
بس جاه اليوم و غبتوا قلبي مبقاش ليه حبيبكم
هو ايه انا ايه عملته خلا قلبي رخيص عليكم
الدموع مبقتش تنشف و الالم بقى ليا صاحب
و السهر في الليل رافقني و الاهات بتقول مراحب
نفسي اشوفكم لو لمرة الحياه من غيركوا مرة
ارحموا قلبي اللي ضحى بكل حاجه و مش ناسيكم
شريف الرومي
ثرثرة 2
ردحذفالوقت بيعدي من إيدنا بسهولة
و عيوننا تتفرج و الفرحة مقتولة
و لا حاسين بالأمان و بيسرقنا الزمان
صحتنا بتخونّا و نفوسنا مشغولة
لو روحنا يوم حسّت بالفرحة و الطيبة
ما كانشي دلوقتي بيبانها مقفولة
ارفع ايديك و إدعي بكل ما في نفسك
حتلاقي برضه في يوم الدعوة مقبولة
أرزقنا يا الله باللي بنتمناه
متردناش خايبين و قلوبنا مذلولة
شريف الرومي
فلسطين////
ردحذففلسطين الشرف على جبين الزمان
فلسطين للعرب صرخة تهز المكان
موعودة في كل عيد مع كل فجر جديد
بالخونة و اللي غاصِب يوروها الهوان
دي مولد المسيح و مهبط الأديان
و في مقدسها صلى محمد العدنان
و ليها ربي بعته على ضهر البُراق
و منها للسما كان في أعلى مكان
بندعي يا رب قوي عزيمة الرجال
و رعبك إجعله للخاين الجبان
دينك رايته ح تعلا و تبقى أعلا و أعلا
و الغاصب الحرامي عمره ما ح يشوف أمان
شريف الرومي
ام الدنيا/////
ردحذفو الله ام الدنيا و مفيش في جمالها زى
مصر الغاليه عليّ و على قلب كل حى
افديها بروحي و اكتر و لا حاجه عليها تكتر
انا و الله ف بعدي عنها زى السمك بلا مي
ترابها ده مش تراب ده تاج على راس ولادها
دي هى ست الدنيا و لا حد ف مره سادها
دي غلبت المغول و كسرت العدا
دا ف وقت الضلمة تلقى ربك ماليها ضى
اللي يفكرها ماتت و خلاص استسلمت
في لحظه روحها ترجع و عليهم علمت
ياما مرت صعاب ياما داقت عذاب
بس كل اللي فات بيقول الفرح جى
شريف الرومي
ردحذفانتوا فرحي (عيلتي)
انتوا فرحي و انبساطي
انتوا اغلى م في حياتي
دنيتي دي تسوى ايه
لو محسيتش بدفاكوا
كل ما ف ايدي عشانكم
كل ما املك مش بتاعي
لو طلبتوا نن عيني
عمره ما يسوي غلاكوا
الحياة دي ما ليها معنى
لما ببعد اروح بعيد
لما برجع القى نفسي
لما بتنفس هواكوا
كل لحظه ببقى ميت
و انتوا مش جنبي اكيد
بس بعد ما اعود اليكم
روحي فرحتها في لقاكوا
شريف الرومي
كنت هناك
ردحذفكنت هناك شفت اللي كتير مالناس شافه
كنت هناك شفت كتير بالبيت طافوا
بس صحيح احساسي يا ناس اتغيّر
قبل ما اروح غير بعد ما اروح و اتحرر
مجلس إيه و امم متحدة و هيئات
و اجتماعات و مشاكل دايرة و حوارات
تضيع وقت تصوير و خطب و مداولات
و الله هناك في البيت تتحل الأزمات
ارفع بس ايدك لله و ادعيله
حينجيك و في لحظة تزول الكروبات
كنت هناك حسيت احساس مش عادي
كنت هناك حاسس كالطير الشادي
دمع العين نازل ع الخد بيجري
تلقي خشوع و قلوب بتنادي
رب الكون و تقوله يا رب يا هادي
نترجاك امحي ذنوب و إحمي بلادي
شريف الرومي
تم حتي الان لكن التنسيقات معرفش
ردحذفحامت حمامة
ردحذفحامت حمامة حِمى حطّت علي كتفي
بصيت لقيت دمعة نزلت علي كفي
قولتلها مالك ايه قالت لي مخنوقة
قولت لها طاب من ايه قالت لي محروقة
كترت ذنوب البشر و استهونوا الأعمال
جايين لرب الكون بذنوب تهد جبال
قولتلها رب الكون حنّان غفور و رحيم
و بيقبل التوبة رپك عظيم و كريم
عمره ما بابه اتقفل في وش حد دعاه
دايما بيجبر قلب كل اللي يترجاه
اوعي بقى تفكري ان البشر معصوم
لازم كتير يغلط و يتوب يقع و يقوم
و يلاقي رب كبير بيقبل التوبة
و بيغسل الأحزان و بيستر العيبة
شريف الرومي
ردحذفمتقولش/////
متقولش ده العمر انتهي
العمر عمره ما كان سنين
دي الفرحه انت نجمها
انت الامل للمحبطين
عيش كل يوم و كأنه عيد
فكر تكون انسان جديد
بدال بتاخد النفس
ما تقولشي هي الصحة فين
لولاكوا ما كنا اتوجدنا
و لا كنا علمنا ولادنا
انتوا المثل اللي هدي
كل اللي كانوا كسلانين
انتوا اللي نورتوا الطريق
للي حيجوا بعدكم
لولا سندكم في الصعاب
كُنا حنفضل محتارين
عيشوا الحياه بمرها
زي ما دوقتوا حلوها
اللي بينسي فضلكوا
هما اللي دايما خسرانين
شريف الرومي
الدنيا رحلة
ردحذفالدنيا رحلة قصيرة
ميفرحكش حسنها
الدنيا مهما بترفعك
بتوقعك في بحرها
دي لو تقرّب تبعدك
و لو عِدل حتحوّدك
و يوم ما يكتر حسنها
حاسب وحرّص منّها
الدنيا بحر ملوش قرار
تحسبها جنةّ و هيّ نار
لو يوم تأمِن مكرها
ما حتعرف الليل م النهار
امشي عدل متميلهاش
و اياك يضيع عمرك بلاش
ما مرة حد أمِن لها
الا و مات لو حتي عاش
شريف الرومي
ردحذفلما الراجل يبكي
لما الراجل يبكي
قالوا عليه ده ضعيف
هى القسوه شطاره
ليه مش قلب نضيف
انتوا بتحكموا ليه
على موقف انسان
لقى في دموعه الفكه
فضل يبقى خفيف
و ميتعبش في غيره
عارف كله يعاني
اختار يبقى لواحده
مرضاش يبقى اناني
سيبوا جراح الناس
مقفوله ببلاويها
و احمدوا رب الكون
و ادعوه التخفيف
كلنا فينا عيوب
و محدش كان كامل
صلي لربك و ادعي
ربك رب لطيف
بيجبر و يصبر
قبل ما يبلي يدبر
سيب الكل في حاله
و بلاش تبقى ظريف
شريف الرومي
ردحذفمحطوط علي
محطوط علي دايما من اللي بحبهم
مفكرني اقوى من اني احتاج لهم
انا نفسي اقولهم اني مشتاق لهم
لكن عارف الآمي مش فارقه عندهم
من كتر ما قلبي عانى و اتحمل الاهانه
و كتير خانوا الامانه بعد ما امنتهم
استهتروا بمشاعري و رخصم في سعري
و انا ح افضل قلبي صافي مش قاسي زيهم
لكن مع حد تاني ممكن القى الاماني
مش ح اندم لو ثواني بإني عرفتهم
كان لازم درس واضح و كلام قاسي و جارح
علشان افوق لنفسي و اعرف كدبهم
محطوط علي دايما
محطوط علي دايما من اللي بحبهم
شريف الرومي
ردحذفادفي باللي منك***/+
ادفى باللي منك
حتخف الحمل عنك
حتلاقي ايدين بتسند
و بتمسح مر ألمك
بلاش تقول مفيش
حد بيشعر بحد
القوة في اللي منك
هما السند بجد
جرب و بلاش تعاند
و اتحامى في حضن اهلك
ده زمان ياما قالوا قبلك
احضن اهلك لا تهلك
ح تقول ما هو برضه قالوا
ده القرايب مصايب
ح اقول بلاش كلام
يفرق الحبايب
اسمع كلام يجمع
بلاش كلام يفرق
كلام ينقذ قلوب
مش ممكن يوم يغرق
شريف الرومي
و هو المطلوب***"
ردحذفو هو المطلوب اثباته
القلب تزيد دقاته
و العين مالفرحه تدمع
و الوش تزيد بسماته
الحب ملوهش ميعاد
و لا له ارض و لا بلاد
و بتاخد العين انواره
زى الزينه في الاعياد
و بترجع طفل سعيد
مستني هلال العيد
مستني عيدية بابا
و اللبس جديد ف جديد
و تطير و ترفرف فوق
و يزيد جواك الشوق
و ان قلت مرة مشاعرك
من نبع الحب تدوق
و هو المطلوب ما تقول
عبر انا مش مسئول
و اياك تكتم و تداري
احسن ليلك ما يطول
شريف الرومي
الورق و القلم****
ردحذفجبت الورق و القلم و قعدت اخطط بيه
لجل يطاوعني و يترجم اللي انا فيه
فجأه لقيت القلم دمع علي ورقي
قمت احايل فيه قاللي ده من حقي
ايش معنى انت تعيش وحدك في ذل و ويل
و تحس بمرارة تسهر في عز الليل
نزلت دموع عيني شلال علي خدي
حتى الجماد حاسس و صان يا ناس ودي
و اللي انا بهواه و كل املي رضا
و لا حس يوم بيا و سقاني مر الآه
سبت القلم يكتب كل اللي جوايا
لجل يريحني و الاقي في دوايا
شريف الرومي
ردحذفليه يا دنيا ****
مش عارف ليه يا دنيا
بتحاولي توقعيني
انا كل ما احاول اطلع
من حفره تنزليني
كأني عدو ليكي
او بايع حقي فيكي
انا ليه باحاول اكبر
و انت بتصغريني
مش عارف ليه يا دنيا
بتحاولي تضيعيني
و لا راضيه اكون قريب
و لا راضيه تبعديني
طاب انا ذنبي ايه
و بتأذي مشاعري ليه
انا مش محتاج مساعده
و لا طالب تحضنيني
بقلمي : شريف الرومي
ردحذفمصر شمس****
مصر شمس متنطفيش
مصر ربك ليها حافظ
انت وحدك متساويش
مصر نور ع الكل نافذ
مصر بدعت الحضارة
مصر للكون المنارة
لو في يوم اتأخرت
بكرة ترجع للصدارة
احنا شعب ما لينا حل
عمرنا ما إيمانا قل
إن بكرة جاى بفرحه
و ان فجر مصر هل
شريف الرومي
العيلة
ردحذفشريف الرومي
The drops if dew
العيله ضليله بيساع مداها الكل
هى اللي وسطيها القاني زى الفل
لو غبت يوم عنها ألقاني بتعذب
و أما بترجعلي بلقى الالم بيقل
انا نفسي القاني صاحي في وسطيها
صلاح يقولي يا حاج و فرح ادوب فيها
و شروق دي ست الكل عروسه لابسه التل
و حماده ده راجل من صغره يحميها
و ادفى لو بردان باللمه و ياهم
دا اللحظه في الدوشه بسنين و انا بلاهم
يا رب احفظهم و الدعوه حققها
انا نفسي لو ثانية تجمعني بدفاهم
شريف الرومي
مناجاه
ردحذفكل اما بيا تضيق الدنيا تفرجها
عارفك عارفني صحيح اكتر ما اعرفني
حاسس بوجعي يا رب دايما بتنقذني
لو حاجه شدتني بعدتني عن نفسي
انت اللي ليك الحمد و الشكر ليك وحدك
طبعا كلامي يا رب ما يكفي افضالك
لو يوم يزيد المي و عنيه لو تبكي
انت اليك ألجأ عارفك بتنصفني
و حياة حبيبك محمد يا رب احنا ضعاف
و انت القوي القادر على كل شئ وحدك
ارفع يا رب الهم و ابعد يا رب الغم
ملقتش في رحابك حاجه تخوفني
شريف الرومي
امي و ابويا
ردحذفامي يا اسم تلات حروف
دعاكي هونلي الظروف
بدعي بحرقه لربنا
ما فيكي سوء ابدا اشوف
و ابويا زيك جنتي
دعاه مهون غربتي
انتوا رضاكوا و ربنا
حط النقط فوق الحروف
انا لى مين في دنيتي
رضاه يمهد سكتي
و في الطريق لو فيه صعاب
بلاقي دعوه بتمحي خوف
ساعات بتغلبني الصعاب
و ما القى حد يدق باب
و الليل يعدي يا ناس طويل
و دموع ما تمسحها الكفوف
بشتاق لحضن يضمني
او حتى فرحة تهزني
مفيش ما بينا الا صوت
او فيديو ع التليفون اشوف
ادعيلي يا اما الليل طويل
و انت يا ابويا البعد ويل
الله يهون غربتي
و ارجع بجنتكم أطوف
شريف الرومي
بقالها سعر
ردحذفالتفاهة بقالها سعر
و الأدب مغضوب عليه
و اللي يلبس المقطّع
ع الهوا يتقال له بيه
تلقى قنوات تستضيفه
و الفلوس تجري في ايديه
و اللي بيحقق نجاح
في العلوم يتقلّ بيه
تلقى مجرم أو حرامي
يتفتح ليه الطريق
و المؤدب و إبن ناس
يبقي عايش وسط ضيق
و البيبان تقفل في وشه
تلقى كل الناس تغِشه
أصله مش عايش في طوعهم
أصله طيب مش سفيه
المواقع ع اللي رايجة
نفسها تحقق ترند(trend)
كل ما تزيد في التفاهة
كل ما تزوّد فرند(friend)
كله عاوز المشاهدة
أصله مش عاوز مناهدة
ليه ح يتعب أو يدوّر
و هو لاقي اللي يجاريه
شريف الرومي