ياطير
للشاعر دخيل العطيوي الثقفي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لا تجرحين المشاعر واتركي باب ود
عل الهوا البارد المملوح يمضي منه
جرح المشاعر يورد للقلوب الحسد
وضداد الأفكار يفزعها رذاذ الّسنه
وش ذنب دمعه تحركها على كل خد
وهي من أول حبيس رموشي المحصنه
ياهو عجب بعد ذاك الشوق ساعة ورد
تجني على قلب حبك وأكثر العشمنه
لكن خذني بجنحانك ياطير السعد
سافر بي أبعد مدى . في ديرةٍ آمنه
لعل ننسى مواجع . من قديم العهد
غنت على أوتار قلبي ميجنه ميجنه
يامن سكن حبها مابين روح وجسد
لا تكثرين البعاد .... وزودة. الهيمنه
كثر التوجد يزيد البعد هزلاً وجد
ويصحي الضيقه الي فالصدر نايمه
ماحد بيجني من الأهات غير الجهد
واللي يبي طيبتي لا بد ناخذ منه
ليست هناك تعليقات:
إرسال تعليق