أنا المجند
أنا المجند حامي الحمى حامي البلاد
أنا اللي عايش بحمي أرضي من الأعاد
من يوم ميلادي وهبت روحي لاجل
ما تعيش البلاد
على الحدود واقفين جنود زيى الأسود
ضد الفساد
احنا الجنود قوة وصمود سمر وشداد
وقت المعارك صيحتنا تعلى تذل الأعادي
تزلزل بلاد
واقفين في ظهر بعضنا وحب مصر
ميه و زاد
واقفين في وش عدونا ومجهزين
كل العتاد
وسلاح ايمانا في قلبنا يعلمه ربنا
رب العباد
احنا الجنود رافعين رايتنا وتعال شوف
القلب جامد والعزم شادد مفيش اي خوف
اللي يفكر يبص لأرضنا يجي
و يشوف
هنذبحه ونعلقه على أرضها زي الخروف
أرضنا دي عرضنا وع الحدود واقفين
صفوف
رافعين سلاحنا وقصص كفاحنا يعرفها
الألوف
أنا عشق بلدي بيساعدني أفوت وأعدي
أصعب ظروف
أنا المجند أنا البطل حامي البلد عزمي
شديد
عمري ما خفت الموت وفي الجهاد قلبي
حديد
بصرخ بقوة في المعارك صرختي
كلها تهديد
في المعارك الكل يشارك على قلب
واحد المجند والعميد
كتفنا في كتف بعض مفيش لا سيد
ولا عبيد
أنا المجند بحمي بلدي
أنا مشروع شهيد
وهبت روحي فدا ترابها وانا
فرحان سعيد
هتلاقينا في كل حته في أرضها
تحت الرمال بين الصخور
فوق الميه وتحتها وفي سواحل
كل البحور
طايرين في السما على ارضها
زي النسور زي الصقور
نصيحة مني عن ارضنا أبعد بعيد
عنها وغور
خاف من جندها لما يغضب يوم
عليك أو يثور
هيدمرك لو كنت طاير في السما او
في الجبال أو في البحور
جند مصر معروفين بالصلابة والعزيمه
في كل العصور
أرضنا غالية علينا وحبها هو الايمان
أرضنا بلد الحضارة والسلام من زمان
قالها ربي ادخلو مصر بلد السلم و الأمان
مفيش في بلدي مكان للي باعها ولا
للي خان
عاشت مصر حرة مستقلة بلد الامن
والسلام والأمان
تحيا مصر تحيامصر
من قلبي و بقلمي محمد عبدالحميد السيد
جمهوريةمصرالعربية
ليست هناك تعليقات:
إرسال تعليق