جوة الفيس ياعمدة
مولد وصاحبه غايب
خلانا نتوه من بعض
وساعات شققة وحبايب
خلانا ننسى الأرض
وخيالنا ف السما قارب
اللى فى وصاله مد
واللى ف حبه دايب
واللى مقضيها سرد
لحكاوى كدب وعجايب
واللى بيكتب بجد
عشان من حزنه هارب
واللى ماركعش فرض
وبيوعظ فينا ويحاسب
واللى بيغنى بود
والحجة وحيد وعازب
ورؤسا وموظفين
من غير شغل ومكاتب
وأدبا متصيتين
وهما ع المراتب
وناس رايقة وفاضيين
ضيعوا وقت ورواتب
وناس تانية واعيين
عليوا قيمة ومراتب
هو إيه فى الاتنين
خير ولا جلاب مصايب ؟!!
سلوى محمود
ليست هناك تعليقات:
إرسال تعليق