جاتني امي في المنام
الصوت في ودني هزني
حنانها في لحظه شدني
للسيدة زينب والإمام
ايديها علي جسمي معلمة
ترقيني بكلام ربنا
ايات ربانيه مش كلام
اتحصن ياابني برحمته
اياك تتوه عن سكته
بركعتين ممكن تتوب
ماهو لو كان ابليس ركعها
مكنش شال كل الذنوب
بابه ديما مفتوح برحمة
مكتوب عليه ستار عيوب
بص يابني
ارمي حملك علي الإله
اوعي تشيل هم بكرة
او تخاف من الحياه
لو حسيت بضيق في صدري
عود لربك
اعترفله بكل ذنبك
قوله حلمك
ارمي حملك
هتلاقي عنده النجاه
بص يابني
الدنيا فانية
طول وعرض
تأكيد وشرط
رايحه ديما
كل الناس فاكرنها ديما
فاكرنها بتتذؤق وجايه
رايحه رايحه
سوق كبير
ناس مخلوقه شاريه
وناس مخلوقه بايعه
وناس في الأصل تايهه
متعرف هي رايحه
و لا هي في الأصل جايه
احمدعبدالحق
ليست هناك تعليقات:
إرسال تعليق