البردعة
عبدالله رجب ابوعدنان
خلاص سقطت كل الأقنعة
بان ف لحظه توهان كله إمعة
تطبيل تكبير تهليل وترويع
عصر ليمون وعوزة وتجويع
ومسك اللجام كنه عابد ف الصومعة
موتوكي وعمرك ما موتي
رهبوكي وخوفوكي وعمرك ما خوفتي
زي ما عاهدتك ع الضنا صبرتي
بعيد عن الحمار و البردعة
خمسين سنة ف سقوط
حبهم يا حبيبتي مشروط
وسلاحهم الزعر والموت
والنتيجه دايما مفزعة
اتوضو بعرق النفاق
البلادة والبياده ف أول السباق
وميه مليون عبده مشتاق
وزعيق ع المخاليق وجعجعة
وأنا اللي بكيت على بكاكي
م اللي سرق تاريخك ومحاكي
وأنا اللي بالغالي اشتراكي
ولسه ياما فيه نجوم بتضوي ف سماكي
بعيد عن اللغط والصربعة
ليست هناك تعليقات:
إرسال تعليق