حب عمري
كتبت الحب علي جبيني
ورسمت غرامك بعيوني
وسكنت العشق في قلبي
يا أجمل من رأت عيني
ومن بعدك
مرار الدنيا في بعدك
ويا طول سهري وانيني
وصوتك هوا اللي بيجيني
يناديني ويسهر جنبي ليلاتي
يذكرني يفكرني يلاغيني
يعيد القصه من الأول
الاقي عيونك الحلوه
بصالي وضحكالي وبغمزة عين
تلاقيني نسيت المر وأنيني
ويضحك قلبي من جوه
ويفتح لك كل أبوابه
ويندهلك تعاليلي
يا أغلي ناسي واحبابي
وعلي غفله بتجري بعيد
ويصرخ قلبي من جوه
واه من صرخة الفراق
ومين هوا هايسكن قلبي
من جوه مافيش غيرك
يانور العين
حبيت الحب من اسمك
ومن رسمك ومن همسك
ياحب عمري وسنيني
وبحبك
يا أجمل من رأت عيني
وأغلي من سواد عيني
بقلم
احمد محمود
من ديوان حبة رتوش
ليست هناك تعليقات:
إرسال تعليق