,, هو الحزن ليه،، كلمات محمد ناجي

هو الحزن ليه ساكن بين الضلوع 

اشمعنا انا عايش العمر موجوع

 اقول للفرحه تعاليلي 

في ليل حزني تونسييني

تبص في عيني وتقولي.

 انت من الفرح ممنوع 

مكتوب عليك الشقي  والهم والتوهان 

تعيش مشرد فيها      لا اهل ولا عنوان 

هترضي بالمقسوم 

او تجزع م المقسوم

عارفه انك مظلوم 

 وشبعت م الاحزان 

فسأل الحزن.           ليه سكن بين الضلوع 

وإسال الوجع.           ليه معاك و ليه موجوع

 أما أنا كفرحه.           مش عارفه ليه انت 

من دون البشر اختروك   تكون مني ممنوع

لكن ده حال الطيبين.   فيكي يا دنيا 

وانت طيب بزياده     وبتنسي الاسيه

والطيبين ملهمش مكان في الدنيا ديا

ولا ليهم حظ ولا صوتهم يكون مسموع

كلماتي / محمد ناجي