،، انت مين،، بقلم،، عصام السعدني

( إنت مين )

بيقولولي إنت بالنسبالها مين؟؟؟

(قولت أنا)

حاجه عايشه جوه منها من سنين...

أنا اللهفة.. أنا الرأفة..

 أنا الشوق والحنين...

أنا الهَيِّن ..أنا اللَّيِن..

أنا القلب الحنين.. والمتين...

أنا الدمعة إللي بتعاند...

وتطلع ضحك في عنيها..

وتتحول طلاسم حب...

أنا بلسم شِفَا للقلب...

أنا النِني إللي جوه العين. 

أنا العشق إللي بيصونها ...

أو النور إللي في جفونها...

أنا إللي الإتنين. 

أنا الخوف إللي طمنها...

أنا اللوحه إللي إبداعي مزينها...

أنا الرسام وأنا الألوان...

أنا الفكرة وأنا الفنان...

وإحساسي وأنفاسي إللي راسمنها...

أنا التابلوه وأنا الناس إللي ليه بصين...

أنا الدرع إللي يحرسها من الأعداء ...

أنا الحرب إللي قدامها بتبقي دعاء...

وعلى إحساسها ببقى أمين.

أنا الروح إللي ساكناها منين ماتروح...

أنا الحظر إللي بتعيشه بِحُرية...

أنا الممنوع في تفاصيلها وأنا المسموح...

ولا طوارئ بتمنعني ولا قوانين. 

أنا إللي عملت لحياتي...

 عشانها إقامة جبرية...

عشان تقدر تعيش هِيَّا...

وأسيب قلبي في غرامها سجين. 

أنا المسكين...

وأنا إللي في عشقي أسطوري...

وبساتيني زهور جوري...

وعطر في سحر همساتها...

في دقاتها... ورود ياسمين...

أنا مغوار جيوش شوقها... 

وأنا الدم إللي في عروقها...

ومعشوقها...

أنا الأسد إللي في زئيره...

 طوفان تأبين...

وعلي أسوار حصون طيفها...

كتبت عبارة من صمتي...

ممنوع  تقرب من كيانها...

مرفوضه حتى فكرة التصوير...

حتي لو تخمين. 

أنا إللي بعيش عشان أسعد جوانبها...

ما أنا حبيبها...

وأنا إللي معاها مش أسيبها...

ليوم الدين. 

بقلم

عصام السعدني...