عايشين أونطة
كله عايش ب الأونطة
جايين ياخدلهم لقطة
كله عايز أحلى حتة
جايين فاكرنها تورتة
كله عايز نايبه أكبر
نفسه بس لوحده يكبر
كله باصص ع اللي جنبه
ومين يشيل عنه ذنبه
كله معمي عن حقيقته
مش شايف غير ضيقته
كله مش عاجبه مكانه
وانه عاقل فى جنانه
كله خايف ع المقام
والهيبه والجاه والكيان
كله سايق ف العبط
وانه معصوم م الغلط
كله بيقول يالا نفسي
نفسه يلحق بس كرسي
كله عايز اول صف
من غير قانون ولا حتى عرف
كله عامل فيها عنتر وانه يقدر
كله ساعة الجد خايب
كله وقت الشدة غايب
كله سايب كله عايب
وربنا وحده بيستر
كله عايش ب الأونطة
جايين ياخدلهم لقطة
خالد المنصوري /مصر
ليست هناك تعليقات:
إرسال تعليق