من شعر العامية المصرية
ومن الشعر الغنائي
كتبت أغنيتي الجديدة بعنوان:
٠٠٠٠٠٠( سيبها علي الله )٠٠٠٠٠٠
أغنيه شعبيه
بتشيل الحزن ف قلبك ليه
وبتحسب لليوم اللي ما جاش؟!!
أيام العمر أوام بتفوت
سيبها علي الله
وما تحسبهاش
ما تقولش يا بكره ازاي هتكون
عيش فيها وسيبها لرب الكون
الدنيا دي مره و بنعيشها
مش أكتر من مره بتتعاش
سيبها علي الله
وما تحسبهاش
ليه تشغل روحك بالتفكير؟!!
طول ما انت بعافيه الدنيا بخير
مش معني ان انت صبحت فقير
تيأس و يضيع العمر بلاش
سيبها علي الله
و ما تحسبهاش
والله دا ربك رب قلوب
والغنا والفقر دا شيء مكتوب
ليه تزعل ليه وتشيل الهم
وطول العمر ما تتهناش
سيبها علي الله
وما تحسبهاش
الأربعاء بتاريخ ٢٠٢٣/١/١٨م
بقلم الشاعر✍️ : أشرف يوسف
ليست هناك تعليقات:
إرسال تعليق