معلهش يا بنتي
مقدرتش أجيبلك حلاوة العيد
ولا عروسة المولد اللى بتستنيها من العيد للعيد.....
الايام يا بنتي بقت صعبه العيشه مره والجاي علي قد الأيد....
أحنا يا بنتي ميتين بالحياه
ومكتوبه بالغط أسامينا في كشف المواليد...
كان نفسي أجيبلك حصان....
متحمل بخير زمان....
ومعاه جزمه وفستان...
خلو الفقر علينا سجان....
ولفوه علي رقابينا اطواق حديد...
عشان هما يعيشو ايامهم كلها عيد....
جففوا ينابيع الخير علينا...
وانهارهم من دمنا وخيرنا ديما بتذيد...
معلهش يا بنتي
الامل في بكره بيولد فينا عمر جديد...
والى يموت محروم من السعاده والفرحه..
بيموت يا بنتي شهيد.....
احمد ماهر ابو نورا
شاعر الصعيد
ليست هناك تعليقات:
إرسال تعليق