قلبي غريب
٠٠٠٠٠٠٠٠٠٠
قولي مين يداويك
ياللي بتحب حد مش ليك
غير الحرمان والأحزان مش ليك
يا أ لمك يا حزنك ياطول لياليك
هاتعيش غريب ف بلاد أحبابك
واحساسك يشيب من نار عذابك
وبينك وبينه شريك
ازاي هايحس بيك
ونار عشقه قايدة فيك
وقلبه وعواطفه مش ليك
انت شاري وهو مش داري بيك
مش شايفك أه ولا حاسك
وحاسه ف حضن عواطفك بيناديك
يا أ لمك أه يا حزنك أه ياطول لياليك
قولي مين يداويك
قلبي ياغريب ف بلاد حبايبك
ياريت يا أعز حبيب ما قابلتك
ولا حسيتك ولا هويتك ولا عشقتك
ليه يا قلبي بتفكر ب عوطفك
ليه يا قلبي بتعذب نبضك
ليه بحر الشوق ليها ماليك
غير الحرمان والأحزان ماليك
ياللي بتحب حد مش ليك
قولي مين يداويك
قلبي ياغريب ف بلاد حبايبك
مش ذنب الحبيب الذنب ذنبك
ذنب النبض اللي بيدق حنان
ذنب الحس المرهف العطشان
ذنب الوحدة اللي عايشة الحرمان
ذنب صوت فيروز وشجن حليم
والهمس المحسوس من الزمن القديم
الذنب ذنبك حبيبة نبضك مش ليك
اهدم كل الشوق اللي ماليك
ياللي بتحب حد مش ليك
غير الأحزان والحرمان مش ليك
يا أ لمك يا حزنك ياطول لياليك
قولي أه مين يداويك
ياللي لسه حببتي
قلبي المذنب مش إنتي
عليه اعتب ليه عشقك إنتي
ياريتني ما قابلتك يا ريتني
ياريتني ماعشقتك ياريتني
ولا رسمتك قمرايا ف عتمة غنايا
ولا كتبتك منايا ف نبض هوايا
ولا كملت حلم العمر بيك
يا أ لمك يا حزنك يا طول لياليك
يا للي بتحب حد مش ليك
قولي أه مين مين يداويك
قلبي غريب
بقلم على عبدالرحيم محمد
ليست هناك تعليقات:
إرسال تعليق