الإسم عبدالله رجب ابوعدنان
اللقب شاعر الغلابة
من محافظة بني سويف
درست بكلية دار العلوم
متزوج ولي خمس بنات
وولدين
اشتركت في عمل مشترك مؤسسة إبداع الثقافية
مع مجموعة من الشعراء والمبدعين
صدر لي ديوان شعر..ليل الغلابة..صادر عن دار البديع العربي الهيئة العامة لدار الكتب
صفحه. 1.
الإسم عبدالله رجب ابوعدنان
شاعر الغلابة
غبار الطل
غبار الطل على عيني
وروح الحزن بتناديني
تندهلي ساعة صفا
تكسرني وابقى كلي عضم
تقلبني وجوايا هم
وتلف جوايا إيه الحكايه
شيء انكسر وما بيتلم
مش مج قزاز
لأ دي ناس عزاز
أو كانو ف برواز
صبحوم كسر ورزاز
ودخان بيغطي ع الحلم
ولقولهم صابهم عما
وعلى ايه متمسك بالشعر
العيون الحسان والخضر
دا الهموم تقطم الضهر
يمكن لاني بالحلم مهووس
ويمكن لأني حظي موكوس
ولازم اخد القرار ويكون مدروس
وليه المحبة بينخر فيها سوس
وليه العيون متالمه
الحب ف طبع البشر
نستلفه ولا نرضى بالقدر
لما العمر بيروح هدر
وف حضن اخواتي الدفا
طالع المريخ
بقلمي عبدالله رجب ابوعدنان
أنا طالع المريخ
وهاسيب خلاص الارض
هناك مفيش فسيخ
والطول زي العرض
ولا كوسه ولا بطيخ
وما حد بيخلف وعد
ولا إشارة حمرا
ولا ضحكه صفره
ولا راجل مرور
لابس زعرور
ولا محروم ولا معذور
وناس بتحب بجد
ومفيش كدبه بيضه
واللي يكدب يتحبس ف اوضه
ولا وشم ولا تاتو ولا موضه
والغني زي الفقير
الغفير شبه الوزير
والظلم فوق السحاب بيطير
من غير محاكم ولا عند
ولا زعيم يشيل صوره
ولا سفير يقعد ف المقصوره
وع المريخ البنت زي الولد
الحب دوا
عبدالله رجب ابوعدنان
حبيت وحبي للقلوب دوا
تشرب ما ترتوي
والعود استوى
غمضت عيني
عن كل جاحد وحاسد
أكل الحب والسقط والنوى
فتحت دراعاتي لكل اخواتي
وادعي ف صلاتي
يمد الوصل
لما قلبي م الهجر انكوى
يا طالع النخل العالي
وما يهمني لو مين عوى
ناس قلوبها سواد
تحول الدهب لرماد
وأنا راجي رب العباد
نبعد عن الفرقه والخصام والجوى
صفحه. 4.
أم الكون
عبدالله رجب ابوعدنان
الحياه بين كفك
شريان حنان وفيضان
إزاي اوصفك
والوصف ظلم وبهتان
يا أم الكون و أصله
طالب ف يوم السماح
ولكل من زاد جهله
هيا اللي بتداوي الجراح
واللي هدمك ونسفك
رجع ذليل خيبان
وادي البسمه على شفك
تغطي الكون محبه
وتفيض كمان وكمان
النعيم ف قربك
ورضاكي من رضا الرحمن
لعبه
بقلمي عبدالله رجب ابوعدنان
الدنيا لعبه كراسي والشاطر بيقش
اللي يعرف يكدب واللي اتعود يغش
واللي زيي طيب ومخاوي
ع الحب والخير ناوي
يزرع محبه ويبدر تقاوي
وتلاقي ف كل مكان الشوك
اللي يحاولو يهدوك
واللي فاكرهم بيحبوك
اتبدل الوش ب ١٠٠وش
وناس ترقص على كل الحبال
نفاق وذواق وكله مشتاق
وركب العويل سفوح الجبال
وما قامت للطيب قومه
وجراد هجم أكل أمه
والكلمه الحلوه صابها عدوه
وقلمي بعد ما كان حر
صبح لا بيهش ولا بينش
حين تداهمني عيناك
أرى فيهما لؤلؤ البحر
الرعد والمطر
شلال حب ينهمر
ورعشة تدب بأوصالي
وحين الامس يداك
تسقط كل أقنعة الخوف
يتجاوب الدلال مع الحروف
ترتسم بسمة حانية فوق الشفاة
تتلاقى الهمسات
وتنتشي الذات
تتجدد الذكريات
ويظل حبك رأسمالي
أتأملك في النجوم
وفي القدر المحتوم
وفي الصلاة والصوم
روحا وحياة
وطنا وقلبا وقبلة
لأنك ببساطة كل أوطاني
أشدو بإسمك
تلاحقني قبلاتك
حنينك ورسمك
جميلة بكل صفاتك
حلمي و أمنيتي وحلالي
كل أوطاني
بقلمي عبدالله رجب ابوعدنان
صفحه. 7.
العزا
بقلمي عبدالله رجب ابوعدنان
ف العزا جلاليب صوف
وفقير م الآخر مكسوف
لا راعو حرمه
الحكايه مش هدمه
ولا كفن وتربه
ويتما تعاني م الظروف
شويه بكا على ميت
وفشخرة يا متصيت
ومن غير عشا
الدموع على أهل الميت
وجيب فاضي ومنتوف
وناس تملى الصوان
كل يوم أحزان
راح اللي كان إنسان
وما خاد غير عمل الخير والمعروف
صفحه. 8.
النعش
بقلمي عبدالله رجب ابوعدنان شاعر الغلابة
بصيت على النعش
إزاي بذنوبي اخش
وبقيت أدير الوش
و إزاي اقابل رب كريم
ومغسل يقلب فيا
وكل الأحبة حوليا
وصوت وزعيق
وكن قامت حريق
وانا ف نعشي غريق
فين الأخ والزوجة والصديق
فين الخلان والرفيق
أنا ظالم ولا مظلوم
أكيد ظلمت نفسي
ف الفاضي كنت أمشي
أكسل اتوضى واصلي
وادي القبر كل مادا بيضيق
وف العزا جلاليب صوف ومخططه
ودمعه مصنوعه متشقلطه
وضحكه وهمس وسهرايه ما حد بيسمع للقرايه
ويانسون وقهوه ساده
وف الاربعين وزعوا شعري
وكتبو على قبري
شاعر الغلابة المرحوم
الحبيب بقلمي عبدالله رجب ابوعدنان
راح مني حبيب
وعرفت إن الدنيا ما تسواش
كان لوجعي طبيب
ويا دمع عيني ما تاساش
من بعده كني غريب
وحياتي هاين عليا ما اعشهاش
يا با رسمك حلو عجيب
ومفيش نصيحه ما قولتهاش
الفراق صعب مريب
والقش حوليا يتباع ببلاش
يآرب ادعيتلك وانت المجيب
مالي غيرك وعنك ما استغناش
راجي رحمتك بدون تثريب
والتراب لم كل الحبايب
كفن ابيض و قماش
دعوه للتسامح
بقلمي عبدالله رجب ابوعدنان
دعوه للقلوب تتراحم
والناس ترجع لطيبتها
على إيه يا صاحبي نتزاحم
والدنيا أولها زي آخرها
ياما قلوب شايله
بالحب افرد جناحك
دعوه للتسامح يالله
بالخير يسعد صباحك
ازرع محبه وشوق
والبسمه دوا العليل
عمل الخير والمعروف
يخليك فارس نبيل
صفحه.. 11.
منتهي الصلاحيه
بقلمي عبدالله رجب ابوعدنان
دكتور وصف لمريض دوا
صعب عليه حالو
الشعب م الهم بيتلوى
ولا حد حاسس باللي جرالو
طبيب المبالي ف الفخ هوى
منتهي الصلاحيه ادالو
زاد الألم والشكوى
وحوليه أمه داعيالو
سم بيجري ف وطن
والغلا آه منه يا جمالو
نفسي ف حق الكفن
يديك باليمين وياخد بشمالو
يا عالم كفاية وهن
فين بكرة اللي عليه قالو
الحب بح بقلمي عبدالله رجب ابوعدنان
تقلانه علينا والحب بح بح
ولا انتي ليكي ناس ناس
حضنك غلا والبعد صح
حبايبك بالكوم وعايمين ف القلقاس
ابيجه بالدولار واحنا آخر النهار
نفسنا ف لقمه حاف
تعبنا م الأعذار ومشينا بالمندار
طماطم ف البترينه
وهم بيشد فينا
وابن اللذينا
عايش ع الكفيار والخشاف
مجنونه يا قوطه
بقلمي عبدالله رجب ابوعدنان شاعر الغلابة
مجنونه يا قوطه ولا احنا اللي مجانين
ف بترينه ملفوفه والكيلو ب عشرين
حتى ف عدايه الفرز
ما لاقي حبايه
ف الهم مغروز غرز
ما تقولونا ايه الحكايه
دا مش بط ولا وز
وعصير فرش ف كوبايه
اصوم اصوم وافطر ع الوجع و الأنين
بالتوفيق يا عم صبر
كفايه متشكرين
ليست هناك تعليقات:
إرسال تعليق