تفاءلوا
--------------- ......عوني هشام
ليه تزيد الضلمه زحمه
ليه تزيد الهم كيل
دا السكون مقطوع بضحكه
فى السهر بوقت ليل
والصحارى تتوه معاها
لو نسيت إيه الدليل
الصعاب بالحكمه تخلص
مهما كان حملك تقيل
يبقى ليه نقول يابكرا
ان كنت ناوي ع الرحيل
انوي بس وصلي ركعه
دى العباده شئ جميل
ازرع الطاعه يطوعلك
الحجر لو مستحيل
وابدر البذره بايدك
تحصده ويوّفي كيل
اوع تركن يوم لغيرك
يستغلك لو عويل
اوفى وعدك صون لعهدك
تبقى وسط الناس اصيل
ارضى بالمقسوم هايكبر
حتى لو حجمه قليل
ادعى للمولى وكبر
واشكره نهار وليل
يشملك عفوه ورضاه
مادام رسوله لك دليل
واللي ما بتعرف هواه
اتركه لو كان جميل
...... عوني هشام
ليست هناك تعليقات:
إرسال تعليق