من شعر العامية المصرية
ومن الشعر الغنائي
كتبت أغنيتي الجديدة بعنوان :
( كنا ف رمضان زمان )
كنا زي النهارده
بس ف أيام زمان
فرحة رمضان تاخدنا
تملا علينا المكان
ونصلي الفجر حاضر
ونقوم ورا عمي نادر
نركع لله و نسجد
ونقول وياه كمان
كنا زي النهارده
بس ف أيام زمان
كنا بنتلم عيله
حوالين بعضينا دايما
ونجيب فوانيس ونلعب
في بيت خالتي ام أيمن
وتجمعنا المحبه
في الدنيا حبه حبه
وتحلا القاعده دايما
قدام بيت الجيران
كنا زي النهارده
بس ف أيام زمان
كنا نشوف الحلاوه
في جمال صوت التلاوه
ومن طيبة قلوبنا
بقينا نزيد غلاوه
نسمع صوت الإذاعة
قبل صلاة الجماعة
بعديها يادوب ثواني
ويترفع الآدان
كنا زي النهارده
بس ف أيام زمان
الأحد بتاريخ 26/3/2023
بقلم الشاعر✍️ أشرف يوسف
ليست هناك تعليقات:
إرسال تعليق