.. سوق الغدارين.. للشاعر.. عبد الله رجب ابو عدنان

سوق الغدارين

عبدالله رجب ابوعدنان

ف سوق الغدارين ياما تقابل نفوس

كل حاجه ليها تمن غالي ورخيص

ناس بتبكي بحسرة حظهم منحوس

وناس تبيع الصحبية و تدوس 

وناس تعمل مصلحة عليك مخصوص 

واقرب الناس تبيعك لجل الفلوس

وف سوق الغدارين أكل العيش مر

تلاقي سكينة ف جنبك لو تحاول تمر

ما حد يبكي عليك ولا يقول بعد الشر

سوق كبير كل ضحاياه م الفقر

بكا وغلا وما فيه كلمه تسر

حاولت أحصل الصدق فاتني القطر

حتى خيوط الحزن دابت من طول الصبر

ومهما يكون طلعت م السوق بالعبر

عرفت إن صوتي لازم يكون حر

اوعى تآمن لصاحب أو فيه تتغر

الصاحب الأمين ف زمانا ندر

واقبل أعذار الناس يقبلولك عذر

أنا شاعر الغلابة لحد ما ادخل القبر

بقول شعري ما بين قلوب زي الحجر