.. قطر السلامه.. بقلم.. عوني هشام.

قطر السلامه

------------------  ...  عوني هشام 

ياقطر    السلامه    امانه    عليك

تهدى  الخطاوى   وتاخدني  اليك

اغمى     عينيا      احلم      معاك

واعيش اللي باقي ف بحر عينيك

تاخدنى  لسكه   تداوي اللي عايب

تمسك   ايديا   ايد    اللى   غايب

بقالي  زمان   ما شفتش   حبايب

تفرح     معايا     واتغني       بيك

بيك   البعيد    نشوفه    ف ثواني

تطيب     قلوب     كانت      تعاني

واحسن  ان قلبي  رجع   دق  تاني

ينادي   حبيبي  اقول   له   شاريك

ياقطر    السلامه   معاك    الاحبه

خش    المحطه      حبه     بحبه

نفرد     زهورنا      تزيد    المحبه

وبشويش   علينا   هانرجع   اليك

مشينا     معاك    بلاد  فوق   بلاد

واشكال    كتيره    بشر    م العباد

فيهم اللي ماشي وصاحب   ميعاد

وحتى اللي عمره ماكان فكره فيك

وصلنا    معاك     لاخر      المحطه

وكان خط سيرك   محطه   بمحطه

في ناس  رايقه  ونال  حالها  حطه

وانت   ف  طريقك  عنينا     عليك

ياقطر السلامه

................. عوني هشام