.. الهوي.. للشاعر.. السيد حسن

الهوى    

****

على جناح الهوى

جايلك طاير هوى

جايلك وفي قلبي شوق

يكفي لمليون سنه

جايلك طاير هوى

قلبي اللي انكوى

بيقول داب م الهوى

بيقول نظرة عيونك

سهم وصابه م السما 

أهل الهوى شافوني

فرحوا لفرحة عيوني

عوازلي حسدوني

لما تجمعنا سوى

جايلك تعوضيني

عن قسوة سنيني

مشتاق لما تجيني

تحييني بالهوى

خلاص خلاص خلاص

يا روح قلبي خلاص

عمر الفراق خلاص

من اليوم انتهى

يا روح قلبي وعيوني

إنتي اتزاني وجنوني 

إنتي يقيني وظنوني

والجرح إنتي ودواه

عاشق عيونك أُمال

وراضي أكون رحال

أمشيلك أميال وأميال

لأجل أنول الرضا 

أنا ليٰ مين غيرك

أنا قمرك أنا طيرك

جوه عيوني أشيلك 

ولا قولشي ليه كده

أنا سندك أنا جنبك

أنا طيف جميل يضمك 

بقولهالك بحبك

بصوت عالى فى غُنا

جايلك طاير هوى

على جناح الهوى

الشاعرالسيد حسن...