.. ودعيني.. للشاعر.. السيد حسن

ودعيني    (شعر غنائي)

******

ودعيني وودعي الفرح اللى بينا

ودعيني وودعي راحة سنينا

جيه الدموع تسكن عيونك وعيني

ودعيني....

ودعيني واحلمي بذكرى جميله

واكتبي اسمي حبيبتي في كل ليلة

ودعيني واصرخي في وش القدر

وصيه على قلبي يا خوفي من السفر 

ودعيني وامسحي دمعة خدودي

ياللى هواكي في الحياة آخر حدودي

ودعيني واحلفي كده للقمر

راح تفضلي دايماً حبيبتي والسهر

وقد ما أحتاج اليكي هتحتاجيني

ودعيني....

قلبي الجريح في غربته مين هيدوايه

وان مره تاه في سكته مين هيناديه

بس الوداع كاس وانكتب لازم ندوقه

نمشي في ضياع دايماً تعب الليل وشوقه

كان على عيني بايدي ابدأ الفراق

وندوب سوى من الحنين ومن الأشواق

بس القدر قال كلمته لازم نطيعهُ

نعشق سفر في دُنيته والفرح نبيعهُ

ودعيني واحلفي كده للقمر

راح تفضلي دائماً حبيبتي والسهر

وقد ما احتاج اليكي هتحتاجيني

ودعيني....

الشاعر السيد حسن....