.. مين علي الدنيا متهني.. بقلم.. شيرين ابو عميره

مين علي الدنيا متهني

.........................

عجيب الليل في كف 

صبيه متحني ومين 

علي الدنيا متهني 

في قلب الموت

تلاقي الناسي والعاصي

تلاقي المؤمن الراسي

في قلب النور شعاع  مكسور

بيحدف بيك يقوم ماشي 

فتتعلم من ضعفك تشوف 

الزاويه في الإمكان تلاقي النور 

ماهوش مكسور لكنه ساعات 

عليك بيثور تمر ساعات بوش كسوف

في قلب حياه تلاقي الخوف

تلاقي الزخرف المصفوف

تلاقي عرايا علي المكشوف

في قلب الحب تلاقي ضمير 

ماهوش مضاف في حساب وكشوف

تلاقي قلوب بتوهب  للحق طريق معروف

في قلب سمانا نلاقي نجوم

وقلب حزين وطير بيغريد وقمر مهموم

ورغم الحيره والاشجان بنكمل مع الأيام

بنرجع تاني بالأحلام  

بقلمي ✍️ شيرين ابوعميرة 🌺