قصيده بعنوان
(الحب ؟!!")
كنا زمان بنسمع
عنه كان
كان له طعم
وكان له روح
وكان له متعه
كأنه نهر
أو سلسبيل نبع
طاهر بالبراءه
وبالطفوله نرتوي
بعطشنا منه
بتسألونا كان
إحساسكم
أو شعوركم
هو إيه
أيوه ممكن
ياما منا
راح ضحية
وعقول كتير
في العشق
ذهبوا وهاموا
أو منه ماتوا
أو فيه عاشوا
لما جنه
بتسألوني هل
كنت واحد
من إل حبه
بالطبع كنت
بس كنت
بحب حب
نوع تاني
مش إي حب
كنت أقعد
طول الليل
أكتب جواب
وأوضبه وأزوقه
وأبروزه وأرسم
قلوب وورود
قلب ليها وقلب
لي بإسمي فيه
وإسمهاأهتم
بيه بحبة
رتوش
بخط إيدي
أبدأ كلامي
بالسلام وبالتحيه
أتخيلها بين
السطور حبيبتي
الجميله مهما كانت
هي جميله
أو دميمه مش مهم
ومكانش يفرق
طويله أو كانت
قصيره
المهم ليها طله
وبهجه وروح
تسحرك عقلك
وقلبك بالحنان
ليها دافق
وبدون مقدمات
فجأه يحنه
ومكانش يفرق
عمري كام
أو هو كام
في العمر
سنه
كنا صغار
وحبنا حب
طاهربس
زي حب الكبار
لأنك عارفها
ماهي كل
يوم قدام عينيك
لما تضحك
أو تنادي
كروان بيغني
يطرب فؤادك
يبرجلك ويربكك
ويخبلك وكل
إل باقي منك
وفيك ليها
يونوا
حب طاهر
مكانش اللؤم
فيه كان بهمس
وكان بلمس
وكان بوجد
وكان شعور
ولما تمشي
زهور طالعه
في أرض
بور ورياحيين
ونرجس
وياسمين
ليها عبق وريحة
عطور ليها
خطوه تزلزل
كيانك تهدك
تفتنك
بدون فتن
أو سفور
أو غرور
تحافظ على
نفسها من أي
كلب مفترس
أو نسور
في الحب
زمان كلام
كتير لو كتبنا
مش هانوفي
إلا يمكن حبة
سطور،
راح لحاله
كان زمان
فين زمانه
في القلوب
كان له في
الحياة
أهم دور
النهارده
الكره فينا
عبى قلوبنا
بالنفاق وبالحسد
وبالطمع وبالحقد
من غير مايفرق
بين الأخوه
أو الجيران
أو الصحاب تلاقي
الطعنه في
ضهرك تجيي لك
من إل كنت
فاكره يهمك
وهو منك
لحمك ودمك
قول بجد
بدون نفاق
أو مجامله
دا يبقى
حب ....؟؟؟؟!)
26/1/2022
(ترنيمات وخواطر.بقلم)
(الشاعر.خيرى حسنى..)
ليست هناك تعليقات:
إرسال تعليق