الغربه
قالوا
المال في الغربه وطن
والفقر في الوطن غربه
ملعونه ياغربه تعبتيا
بعطرتينا وفرقتينا ومزقتينا
سرقتي اجمل سنين عمرنا
واخدتي احلي ما فينا
روحنا شباب زي الورد
رجعنا والشيب مغطينا
الجتة كانت عود مصلوب
رجعت والمرض ماليها
فينا اللي سنانه اتخلعت
واللي رجلية مش شايلينه
وفينا اللي مات فيكي
وعيالة قالوا ادفنوه هناك
احنا اللي فينا مكفينا
وفينا اللي عايش غريب في بيته
ماتزعلشي انت كنت ممول
ارجع وسيبنا مع اللي مربينا
وفي بيوت كتير ادمرت
والشياطين سكنوا فيها
ياتري يااموال الغربه
من امراضنا هاتشفينا
ملعونه ياغربه
سرقتينا وغربتينا
واخدتي احلي مافينا
احمد محمود
ليست هناك تعليقات:
إرسال تعليق