((نزف جرح ))
نزف القلم ع الورق
ونزفه بلا رحمة
أوجاع وحزن حرق
سطوره فى الزحمة
لا القلم بطل كتابة
ولاعند البشر رحمة
أمور ومتلخبطة
ولون الوجوه فحمة
الكل باع نخوته
وعلت الخدود وحمة
ولو يوم يصون الكرامة
تلقاها من الكبير منحه
مشحون بشاحن مذلة
ولو فاق ينفصل شحنة
يعيش يلبي الندا
ولا يعلى أنين لحنة
ولو فكر في يوم يستجير
الجاني عليه رمحه
سيبك من العباد
شوف ربك فين وصالحه
هو الوحيد قادر
يبشر بالأمل صبحة
والكل غيره فى طاحونة
كل اللي يهمةمصالحة
بيت العدالة إنهدم
والكلب علا نبحة
وكل صاحب قلم
بيخاف حلال ذبحة
فوقوا كفاية يابشر
الوضع يطول شرحة
زمن وفية العجب
زمن قليل فرحة
الكل فيه كبير
كبير وكتر طرحة
وقت الحصاد تجني شوك ونزف جرحة
وعود الشجر مايل
خسارة تالف طرحة
بقلمي
نبيل عبد الحليم
٢٦/١/٢٠٢٢
ليست هناك تعليقات:
إرسال تعليق