صفحه. 1.
مرهقةُ أنا
.............
أرهقها الشوق فنامت كالعصفوره
على راحتىِ يد الزمان
غلبها النوم فمنذ زمن لم تنم
ولم تتذوق طعم أمان
أرهقها غروب الشمس الدائم
وضجيج الصمت وخريف لعمر كان
أرهقها وداع وبعاد ودروب
ومسافات وفراق قد طال
أرهقها الليل الخائن يعدها
ببزوخ الفجر ولم يأت خيط نهار
أرهقها الصبر الجائر منذ سنين
كحمل جباااااال ...........
أرهقها الحرف الكاذب ضمن
حروف كثيرة جداً للغير تقال
أرهقها حلم وأمنيه نصب العين
فصاروا محض خيااال
وألف قناع وألف خداع وخناجر
تقطع اوصالى تقتلنى أسهم ونبال
رفقا بمشاعر قد هَلكت
وقلب أرهقه الترحال
فانكسر جناح الصبر لعصفورة
لم تقو على الطيران ولا التجوال
أرهقها صوت يطلب بإستحياء
رفقا يامن أرهقنى
فموتى ووجودى فى العشق سواء
بقلمى: ناديه العوضى
صفحه. 2.
بركان وجع
............
مستغربين الآهه منى ؟
إيه يعنى تنهيده وجع
وطلع معاها جمله من ضمن الوجع
من كوم وجع بركان وجع
سنين طوال وقلبى
فيها بيتوجع كل الوجع
مستغربين انى اتوجع؟
ماأنا بشر بحس واشعر بالوجع
ببص فى عيونكم واقول
قلبى حمووول قلبى جدع
ودمعى سايل ع الخدود
بيشق مجراه بالوجع
فاتت سنين قلبى حزين وبيتوجع
قلبى وقع ............
ملقتش جانبى ولا جدع
كنت ف مواقف جنبهم احلى جدع
المييييل عليا ............
مالوا عليا كلهم وكأنى
يومهاكنت بتضرب الودع
وأعرف اشيل الهم
من كل قلب بيتوجع
آه ياقلبى الى اتوجع
آآآه يااااااجدع
ملعون أبوك
لوجيت فى يوم تعمل جدع
خليك خسيس
جرب كده ....
واسمع كلامى هتكون جدع
بقلمى.....
ناديه العوضى
مصر
صفحه. 3.
جدد العهد مابينا
...............
عندما يأتى المساء
قل فى عشقى ماتشاء
واستبح نبضات قلبى
فى قلوب كل النساء
وأدعوا ليلى والنجوم
والقمر وسط السماء
بين أروقه الأنين
وأحتوى عشقى وجنونى
وامحو آهات السنين
نستعيد الذكريات
نرتشف عبق الحنين
من وريدى وم العناق
واسكب العطر بروحى
وانثر الاحلام ترنوا للآفاق
جدد العهد مابينا
واسبح فى دم الوتين
ثم احلف اليمين
إقسم بالعين التى
سلبت فى يوم ارادتى
لن تخون العهد بينى
واصدق نيه اليمين
بقلمى ...
ناديه العوضى
مصر
صفحه. 4حنين
............
لازال فى قلبى حنين
لازال فى قلبى خضوع للقاء
ان يجمع الشوق كلانا فى المساء
عند بدر يتهادى فى السماء
ليجتمع فى مقلتى
عشق وشوق كل النساء
ويذوب بين لقاءنا
كل انواع العتااب
ولا نلوم بعضنا
عن اى اسباب الغياب
لازال فى قلبى رجاء
ان ياتى يوما ينقشع
فيه الغمام ويحل الضياء
وتعود سنوات لنا
ضاعت سراااب وهباء
لازلت انتظر امل اللقاء
لازلت ارتقب الطريق
ويعصفنى البكاء
اين انت؟.........
طال الرحيل كألف عاام
ولازلت انتظر الغروب
كى اسأل الشمس
الى اين الرحيل؟
والشمس تطويها السماء
دون جواب او دليل
ولسوف انتظر الغروب
كى يأتى طيفك لى رسول
تبكى السماء رحيلنا
حتى الاماكن والطيور
حتى الزهور على الغصون
عام فعام ينقضى
والقلب ينتحب الرحيل
لازال قلبى ينتظر لعل
تاتى ياوجه القمر بين النخيل
لازلت فى محراب حبك
اطلب الصفح الجميل
استنشق العطر المزيف
كل يوم فى الغروب
والقلب وقت رحيل الشمس
كاد ان يذوب
لازال قلبى يرتشف
ثمالة كأسك المجنون
يأتينى طيفك خائنا مترنحا
فتقتلنى الظنون
ياأيها العاصى لقلبى
ولكل النساء متيم
طيفك العربيد سكران مغيب
حاملا اشلاء قلبى
مستنزفا منه الدماء
عابثا ومبعثرا أمل الرجاء
لازال قلبى يرتقب منك اللقاء
لازال قلبى هائما
فى حبك ولا يستجيب
لازال يرتقب منك الحبيب
لازال فى قلبى نداء
ان تعود فى وقت المغيب
لازال قلبى ينتظر اجمل لقاء
لازلت انتظرك تعود عل تجيب
بقلمى ...
ناديه العوضى
مصر
صفحه. 5.
عيونك قصيده
.................
عيونك قصيده
تبوح بعشق وتروى
الفؤاد كغيث المطر
حروفها سيوف تمزق
قلوب بليل السهر
عيونك قصيده غنتها النساء
غنتها العذارى لكل البشر
دعوت إليها جميع النساء
دعوتهن لحفل مجون
وكأس نبيذ ورشفة خمر
وكنت أميراً يحفك جوارى
بكل النواحى بليل السمر
عيونك قصيده
لمن قد أراد يتلى حروفها
فى بحر عيونك قد ينصهر
فحسنك ظالم وعينك خطر
بحق الإله تكف حروفك
بحرفك قلبى به قد قُتل
جيوش قصيدك كَر وفَر
تهاجم دون توخى الحظر
فرفقا حبيبى بقلب مُعَنًى
رفقا بقلب سَباه القَدَر
ضناه البعاد جفاه القمر
حروفك سنابك خيل تدمى
صليل سيوف تحطم حجر
حروف قصيدك سلاح مُدمر
فى ليل طويل لروح تحتضر
رويدا رويدا فارسى المنتصر
عيونك قصيد تردى القلوب
غزوت النساء فى كل الحروب
وبات الفؤاد أسير معذب
لغزوك بات بشوق ينتظر
بقلمى ......
ناديه العوضى
تلاقينا.. صفحه. 6
............
تصادفنا تناجينا تحاورنا
تعاهدنا تواعدنا تلاقينا
تحديت فيك اقدارى
وعزفت لحنى الموعود
على جدار أشواقى فأضنانى
فكنت حروف كلماتى
وكنت معانى اشعارى
وكنت الكأس فى ليلى
ونخبى ويا سماارى
وكنت الخمر يسكرنى
ويمحى هم افكارى
وطيفك حين استحضره
يأتينى يهدهد بين اذكارى
يجوب بين انسجتى
وأوردتى وشريانى
وحين يغيب عن عينى
فأعلن بدء عصيانى
بقلمى
ناديه العوضى
مصر. 
مين قالك
ومين قالك فى يوم عنك
انا وقلبى منستغناش
جرحت القلب وجافيته
وفى الهجران والقسوه متتوصاش
صبرت كتير على هجرك على صدك
وأنا فى قلبك
ياانا وحدى يإما بلاش
انا وقلبى يادوب الجرح خلانى
أكون عالبعد متعود
وفى الهجران والقسوه
معاك ديما على موعد
وهستغنى وهبعد عن طريق حبك
وانام ليلى وخالى البال
من التفكير ومن عشقك
وهنزع قلبى من صدرى
وعنه برضوا هستغنى
وهستغنى عن العشره
وهتكون لى يادوب ذكرى
ولو جانى الحنين تانى هسك الباب
ومش هسمح بأى عتاب
وهستغنى واخلى القلب
غصب عنه يستغنى
عشان فى الحب كان مخلص
وكان شارى ماهوش خاين ولا كداب
بقلمى
ناديه العوضى
مصر
قولى ليه البعد طًوْل
قولى ليه قربك قليًل
كل ليله فى انتظار
كل لحظه بشوق ونار
بين الدمعه وبين الفرحه
قلبى احتار ........
كل ماافتكرك الاقى
قربى منك مستحيل
كله هجر وكله غربه
كل يوم بعد ورحيل
انت هاوى الغربه ديا
انت غاوى دموع عنيا
الحوار بينى وبينك بالمراسله
والكلام الحلو حتى ماله معنى
والعناد والفراق والوحده مٌرًه
والخصام فى البعد
خلى القلب يقسى
انت عاشق من جديد ؟
ولا قلبك من حديد
انت مش زى البشر
انت قلبك من حجر
انت هاوى الغربه والسفر الطويل
انت غاوى القلب يفضلك أسير
غبت ليه ؟..............
طولت ليه فى الغربه ياما ؟
قلبى داب مالغياب
والدموع سايبه علامه
سايبه قولة آه فى قلبى
سايبه دمعه على خدى
سايبه كلمه فى سؤال
امتى ترجع بالسلامه؟
بقلمى
ناديه.العوضى
مصر
صفحه. 9.
همس الانين
على جسور احزانى
هبت نيران بركانى
فأبعدنى وهجرنى وعادانى
يامن كنت مرسايا وشطآنى
جف الماء فى بحرك فأظمأنى
واصبح مملوء بماء الدمع يرهقنى
بلا مركب لناجاتى فيغرقنى
شراع الحب دابت فيه انسجته
وأصبح ممزق مثل أناتى
يامن ذبحت القلب بلا رفقٍ
مهلا حبيبى كى اداوى آهاتى
فقد وضعت حبى فى كفن تساومنى
وتوءد كل ماتبقى من ذاتى
وأصبحت انت الجلاد والحكم
فضاعت فى وهم الحب سنواتى
فقال الدم نازفا يسرى
رفقا حبيبى انك فى دفقاتى
وقال القلب مذبوحا بيحتضر
ألا يشفع لى وجودك بين نبضاتى ؟
فصرت وحيدا تسبح بين انسجتى
احنو عليك ..........
وانت سعيدً بآلامى وكسراتى
بقلمى
ناديه العوضى
مصر
ربيب الحب
🔳🔳🔳🔳
ربيبَ الحب على المحبوبِ صبرا
فإن الشوق والسهد ضناهُ
فإنكمُ إذا فارقتموهُ
تتوه الروح .. والقلب جفاهُ
فأضحى مثلكم اسير حبٍ
فرفقا بالمحبِ ومن هواهُ
سكنتم اضلعي والقلب طوعاً
وكنتم ٱتِ العمر ومنتهاهُ
سبحتم في عروقي ووريدي
اعدتم من جديد لي الحياة
احييتم حِساً مات من زمن ٍ
في غيهب الأقدار قلبي قد طواهُ
واسعدتم فؤادا قد تيقن
ان الحزن يوما قد غزاهُ
وكنتم لي ٱفاق حُلم يسري
بين جوانحي ارجو سَناهُ
واصبحتُ انا المشتاق وصلا
وقلبي المتيمُ صار كالجناة
تمردَ بالهوى فضاعَ صبراً
فرفقا بالفؤادِ ومَن غواهُ
بقلمى ...
ناديه العوضي
صفحه. 11صباح جديد !!
🔳🔳🔳🔳
صباح الورد ع الصُحبه
وع اللمه ... وع الخلان
صباح الورد
ع العِشره و وِد زمان
صباح يضحك
برزق حلال من الرحمن
صباح الورد ع العامل
و ع الشغال وع الشقيان
صباح الورد يا بلادي
انا المُغرم صبابا فيك
وانا العاشق وانا الولهان
انا اللي بدق اجراسك
انا اللي بنادي كل أذان
الله اكبر ... الله اكبر
حى ع الصلاه
قوم صلي يا غفلان
🔳🔳🔳🔳
صباح فجرك بيُشرق
من بيبان وبيوت
صباحك زقزقة عصافير
تعشش فوق شجر التوت
صباح الخُضره والميه
صباح مركب معديه
صباح النيل يمده حياه رب الملك والملكوت
صباح شمسك الدافيه بضحكة حب
جوه في القلوب بتفوت
صباح الورد على خد صغير يبكي
تخلي الضحكه له بتعود
صباح الأم لولادها
صباح دايما دفا وعباده ويٌا سجود
صباح الفل يا بلدي
علشانك فداكي الروح
وعشانك يهون الموت
بقلمى ..
ناديه العوضى
صفحه. 12.
عيد الميلاد
🔳🔳🔳
يعنى ايه عيد ميلاد ؟
يعنى عام م العمر فات
يعنى ناوى على البعاد
رااح ومش ناوى الرجوع
خد معاه الذكريات
خد معاه فرح ودموع
والسنين بالشوق مسافره
وسايبه وسط الروح جروح
عيد ميلاد العمر فيه
واحده واحده بيتسرق
ورده فى حضن الخريف
مره واحده بتتحرق
غصب عنا نقول وداع
وقلوبنا شارده فى الطرق
ويجى وقت من الزمان
غصب عنا بنفترق
وأجمل مافينا بينتهى
كان من سنين اجمل ميلاد
والنهارده حاسه ان العمر فات
باقى منه شويه دموع على ذكريات
وقلب هيموت م الفراق ومن السكات
بقلمى
ناديه العوضى
ضجيج الصمت
🔳🔳🔳🔳🔳
لما جَت قدامي سيرتك
قلت دا قلبي اللي كان
اللي كان دنيا براح
دا حبيبي ومن زمان
واللي كنت أشوف عيونه
كنت أحس بالأمان
كنت اهرب م الصحاب
وكنت أهرب م الجيران
واترمي ف بحر العيون
شافوا دمعي ..
قالوا عِشقي فيه جنون
حتى حزني ف العيون
شافوا فيه صورتك انتَ
قالوا :. مين دا ؟
قلت دا القلب الحنون
بين ضجيج الصمت
و ف عز السكون
جاب لي قلبه طوق وورده
فوق كفوفه اهداهالي
كنت من خوفي عليه
بكتم الٱهه واداري
واعمل إني مش هاممني
وإن انا مش واخده بالي
وانفرد بالروح و قلبي
أستعيد طيفه ف خيالي
قالوا عني عشقي جامح
تهموا قلبي بالجنون
عقلي فيه شارد وسارح
والحياه بالنسبة ليا
أد إيه ممكن تهون
ايوه صورتك جوا قلبي
جوا روحي وف كياني
تحت اجفان العيون
بقولها للعالم بحاله
إن حبك جوا روحي
مهما يحصل أو يكون
بقلمى ..
ناديه العوضى
جاءَ الخريف!!
🔳🔳🔳🔳
جاءَ خريفٌ ظالمٌ مُتعطشٌ
للجُرحِ .. نازف ٌ مني الدماء
جاء الخريف معربدا أنفاسه
خمرا ً .. وسُكراً
مترنحاً بين أحضان النساء
جاء الخريف متمردا
خائنٌ .. يدعيٌ زمن الوفاء
قتلَ نبضي واستباح اليوم بعضي
حين جاءَ بين صيف ٍ وشتاء
واستباحَ امنياتي .. ذكرياتي
عبراتٌ في عيونٍ تختصر كل الشقاء
استباح قصائدي ودفاتري
قلمي .. واستباح الكبرياء
تبكي القصائد في عرين الحزن ِ
سنواتٌ من حنينٍ وجفاء
ظالمٌ ذاكَ الخريف
كاذبٌ خائنٌ
مُدعٍ عبقري الإدعاء
جمعَ قصائد َ أحرفي مصلوبةً
تحت مِقصلة التمني والرجاء
حطم بذلك معبدي
واحتلَ محرابي بجيش ٍ من نساء
بقلمى ..
ناديه العوضى
يا طير يا طاير
🔳🔳🔳🔳
يا طير يا طاير
في خيالي وحاير
يا حنيني المسافر
وصلٌه سلامي
يا طيري اللي هاجر
وفايت مكاني
دا ليلي في بعدك
غاب عنه القمر
وقلبى يا طيري
ضناه السفر
امانه تقولٌه
ما يطول السفر
أنا قلبي شايل له
م الذكرى معاني
احكي له في غيابه
عن سُهدي وهواني
وقولٌه إن قلبي
مستني الرجوع
وعيوني تراقبه
ع الدرب بدموع
وفارشه ورودي
وقايده الشموع
يا طيري اللي سافر
وبيننا معاد
يا خوفي يا طيري
ليطول البعاد
وتشتاق لغيري
وتزيد في العناد
امانه يا غالي
ما تطول غيابك
مستنيه ترجع
وتنور رحابك
بقلمى ..
ناديه العوضى
صرخه جريح (الأقصى)
🔳🔳🔳🔳
شكوتُ عذابي فهل من جديد ؟
توسلتُ صبرا بدمٌ الشهيد
يا زارع الأحزان في قلبي تمهل
وأتٍ بالأمل البعيد
فعلوتُ الرُبىَ اجني ثمار
اليأس في زمنٍ عنيد
واحتضنت التلٌ خوفاً
من برقٍ ورعد وجليد
وصقيع البرد يكوي في ضلوعي
من رياح الخوف قد شابَ الوليد
وتحنت الجدرانُ في بلدي
بدمِ الشهيد
🔳🔳🔳
يا ارضُ قومي زلزلي قلب الحجر
وتأسفي علي صلاح الدين وعمر
قم وانتفض يا أيها المدثرُ
واقرع طبول الحلم بالأمل الوليد
يا زارع الأحزان مهلا
واحصد الأشواك من قلبي
التى ازرعتها
واطفئ النيرانَ فى صدري
التى اشعلتها
وعُد بالعمر كي أحياه من جديد
قد أقسمَت على الشهادة ِ حاملا
ما لا تحمله جبالٌ مِن جليد
بقلمى ...
ناديه العوضى
رساله الى امي!!
🔳🔳🔳🔳🔳
امي.. كلمه بروٌح الروح بيها
كلمه بعطٌر دُنيتي بيها
بتريحني .. بتطمني
في عز عذابي بنادي عليها
يا بحر بيبعت النسمه
على جروحي ويشفيها
يا ضحكه شارده بتعدي
على سنيني بترويها
بشوف الدنيا من بعدك
ضباب كاسي على دروبي
وجرح زماني بيهدٌي
على قدري ومكتوبي
بعدتي عني وهجرتي
وانا محتاجه اناديلك
وأبكي واترمي ف حضنك
على صدرك واشكي لك
وفي الضلمه بتهديني
تنور لي قناديلك
واعيد الذكرى وياكي
واغني واعيد مواويلك
وحواديتك .. وحكاياتك
نغم شارد يفكرني
ببحر حنانك اللي كان
وعطشانه بقالي زمان
وحشتيني وبيني وبينك الدنيا
مسافه بتعصى ع الإنسان
وانا وحدي بلا حيله
سوى دموعي على اللي كان
في دنيا الفرقه والحيره
وغربه ملانه بالاحزان
لحد لقانا يا امٌايه
ونسكن جنة الرحمان
بقلمى ..
ناديه العوضى
قلبي بيندهله
🔳🔳🔳🔳
وكان القلب يندهلّه
على دقة قلبي وحنينه
في عز الليل انا وقلبي
بيشكي عذابي وانينه
بشوف طيفه يخايلني
يناديني بمواويله
يصحيني في عز النوم
ووسط الليل يناجيني
يغرقني في بحر الشوق
يتوهني في بحر اللوم
تدق الساعه ورا الساعه
وانا بالثانيه اعدٌ اليوم
وقلبه القاسي ناسيني
ولا بخطر على باله
ولا حاسس بهجرانه
واداري دموعي ويٌا الٱه
واتاري إن الزمان خدني
وخد م العمر احلى حياه
سنين وسنين وبتعديٌ
وأنا وشوقي بنستناه
وعدى الليل وساعاته
وٱهاته ودقاته وانٌاته
واتاري الفرحه والبسمه
واخدها معاه
بقلمى ...
ناديه العوضى
سلاما على أرواح شُهدانا
🔳🔳🔳🔳🔳
كل المشاهد مؤلمه
حتي الكلام واجع
إسأل ملاك الموت
عن إبن باستنظره
سافر .. ومُش راجع
راجع معاه العَلم
شهيد وفيه ملفوف
زفوه ملايكه صفوف
يا هل ترى مين ؟
قلبي انقسم م الخوف
جيت بالعلم ملفوف
احمر بلون دمٌك
ابيض بلون قلبك
اسود بلون ايامي
يا عزيزي مِن بعدك
ٱهين وٱه يا بطل
ابني العزيز قتلوه
قلبي جابوه في تابوت
موسم حصاد زرعِنا
بقا كل يوم بيفوت
زهرة شباب عمرنا
بنزفها للموت
قلوبنا اللي بتنحصد
يكفي وجع وسكوت
بقلمى ...
ناديه العوضى
