لا تلومينى( متلومنيش )
بقلمى منصور ابو عبدالله
****************
لو ضعت منك على قلبى متلوميش
اصلك قبل ما تجرحيه مقولتيش
خلتيه لحضنك وفى حضنك يعيش
وفجأة تقوليله حضن تانى مفيش
******************
قلتيلى مهما يكون حاكون معاك
ومن اول غلطه قلتى نسيت هواك
مش انتى اللى قولتى عمرى ما انساك
وان جيت يوم زارك تعب حاكون دواك
*******************
عملتلك عيونى حراس وبيهم فديتك
وقفلت عليكى باب قلبى ومفتاحه اديتك
ومكنتش بكدب لما قلت بكل كيانى حبيتك
وجيتينى مجروحه وانا بكلى وما املك داويتك
********************
مفيش حد فينا ملاك وما بيغلطشى
ياما غلطتى وعمرى ما قلت امشى
كام مرة جرحتيلى قلبى وما اتكلمشى
حتى دموعى من قسوتك مسلمتشى
*********************
عارفه انك لما تبقى بعيد قلبى يبكى
واموت بالبطئ ومعرفشى حتى اشكى
اقول لك ايه عن المرار اللى بيبقى فى حلقى
مش كل الكلام اللى ممكن يتقال وقلبى له يحكى
**********************
مش حرام يكون دوا الجروح بيدك وتمنعيه
انا اللى اديتك قلبى وقلتلك تملكيه
يبقى جزاتى انى قلبى حبك وببعدك تقتليه
اللحظه فى بعدك عنى خنجر فيه بتطعنيه
**********************
لما كنتى تقولى بحبك كنت بطير للسما
واعيش وكأنى فى دنيا كلها هنا
ويبقى حضنك كل الاحلام والمنا
كنت بحبك وحبى ليكى ميعرفشى الضنا
************************
عرفتى انك ملكتى قلبى جيتى ودبحتيه
لما حبك كل حب الدنبا وانت بسهوله سيبتيه
وكانه لاشئ ازاى هان عليكى حتت تمزقيه
تلاقيكى بتقولى لى حواليكى انك كمان نستيه
**********************
حاقلك كلام انت بس وحدك تعرفيه
بذمتك قلبى يستاهل تيجى عليه
مش دا القلب اللى عاش لقلبك يفديه
وكانت كل اهة منك تطلع تبكيه
**********************
مش مسامحك قلبى ليوم الدين
وبيقولك منك لله بكتيه وبكيتى العين
ظلمتى قلب معرفشى غير حبك والحنين
هجرتيه وزاد عندك وقطعتيه بسكين
*************************
هان عليكى قلبى فمجيش تلومينى
ولما يتعلم يقسى عليكى متجيش تعاتبينى
اصله على كد حبى ليكى جيتى وجرحتينى
فمجيش تلومينى ...وتشكينى....ولاتكلمينى
********************
خلاص جرحك خلى القلب ينزف دموع ودم
وجرحك ليه عاوزله ايام وسنين علشان يتلم
دا ابسط شيئ عملهولك قلبى كان يشيل عنك الهم
ويفديكى بنفسه لو مره صابك شويه الم او غم
************************
انتى اللى ابتديتى الجرح ببعدك و بعنادك
وابتديتى مشوار الهجر والقسوة بابتعادك
واخترتى جرحى فمتلومنيش على هجرانك
انتى اللى هنتى قلبى اللى ياما حبك وصانك
**************************
بقلمى منصور ابو عبدالله
لا تلومينى (متلومنيش )
