ملاك و روحي
'''''''''''''''''''''''''''''''''''''''''' عوني هشام
ليه ياروحى خدتى روحى تعذبيها
ليه اخدتى القلب منى وكل دقه كنتى فيها
حتى عينى نورها جالك وف خيالك
كنت امشي بخطوه خطوه وتبعديها
ليه ياروحى
الحياه فى البعد عنك كان عذاب
حتى لما حضرت عندك كنت حاسس بالغياب
رفرفت روحى وتاهت فى الضباب
واما شفتك روحى جاتلك مش لاقيها
ليه ياروحى
العواطف اللي بينا نوعها ايه
الحنان اللى فى عينى حسي بيه
وقت نومي كنتى حلم جريت عليه
شفت صورتك وف خيالي حضنت فيها
اه ياروحى
شوقى ليكي واشتياقى كان عجيب
بس خايف من رموشك لو تخيب
وتصيب فى غيرى وقلبي منك كان قريب
والقريب اللى هويته صورته عندى باحتويها
ليه ياروحى
ليه ياروحي تعذبينى واوصل الليل فى النهار
هو نوع الحب عندك اخذ تار
ولا نوع الجد عندك فهلوه وحبة هزار
انا طبعى جد جدا وابتسامتى تخسريها
ليه ياروحى
الحياه اللي في عيني فيها عرض وفيها طول
والزمان اللي بعيشه حباله مده بالاصول
بس اغلى حاجه عندى انى كاره للفضول
الحب عندى طوبه طوبه وكل بسمه تعلي فيها
اه ياروحي
اصلي حبيت من زمان والزمان دا فيه حاجات
الحب محرابه آيات مش سكر وشويه كاسات
الحب نعمه من الإله مش بفسحه او بشات
او بفيديو خليع وصوره وكلمه صعبةتسمعيها
لا يا روحى
طبعى غير كل الشباب اللى ممكن تعرفيها
مش بزم فيكى طبعا دى حياتي واحفظيها
ان رضيتى اكون سعيد وان رفضتي احذفيها
احرقي صورتى عندك لان صورتك مش لاقيها
خلاص ياروحى
قبل ما تقولي قرارك دا قرارى مفيش رجوع
قبل ما تبوحي بكلامك إيه مشاعرك فى الضلوع
الحياه بالحب نعمه الغدر بيطفي الشموع
كل خطوه بالحساب جمع طرح انتى تشيليها
تمام ياروحى
'''''''''''''''''''''''''''''''''''''.... عوني هشام
